ഖഗാരിയ: ബിഹാറിൽ മാങ്ങ പറിച്ചതിന്റെ പേരിൽ പത്തുവയസുകാരനെ തോട്ടം കാവൽക്കാരൻ വെടിവച്ചു കൊന്നു. ഖഗാരിയ ജില്ലയിലെ മാവിൻതോട്ടത്തിലെ മാവിൽ കയറി മാങ്ങ പറിച്ച സത്യം എന്ന കുട്ടിയാണു കൊല്ലപ്പെട്ടത്. ഷേർഗഡ് സ്വദേശിയാണു സത്യം. കുട്ടി മാങ്ങ പറിക്കുന്നതു ശ്രദ്ധയിൽപ്പെട്ട കാവൽക്കാരൻ രാമ യാദവ് കുട്ടിയോട് മാവിൽനിന്ന് ഇറങ്ങാൻ ആവശ്യപ്പെട്ടു. കുട്ടി ഇതു കൂട്ടാക്കാതെ മാങ്ങ പറിച്ചതോടെ പ്രകോപിതനായ രാമ യാദവ് കുട്ടിയെ വെടിവയ്ക്കുകയായിരുന്നു.