മോദിയുടെ മറവി മാറ്റാൻ മുക്തികാന്തയുടെ വാക്കിംഗ് ചലഞ്ച് !

ന്യൂ​ഡ​ൽ​ഹി: ഓ​ർ​മ​യു​ണ്ടോ ഒ​രു വാ​ഗ്ദാ​നം എ​ന്നു മു​ക്തി​കാ​ന്ത ചോ​ദി​ച്ചാ​ൽ പ്ര​ധാ​ന​മ​ന്ത്രി ന​രേ​ന്ദ്ര മോ​ദി ഒ​രു മ​റു​പ​ടി​ക്കാ​യി പ​ല​വ​ട്ടം ആ​ലോ​ചി​ക്കേ​ണ്ടിവ​രും. ഓ​ർ​മ കാ​ണി​ല്ല, ഒ​രു​പാ​ട് വാ​ഗ്ദാ​ന​ങ്ങ​ൾ ഇ​തു​പോ​ലെ കൊ​ടു​ത്തി​ട്ടു​ണ്ട​ല്ലോ എ​ന്നാ​ണ് അ​ടു​ത്ത ചോ​ദ്യ​മെ​ങ്കി​ൽ കു​റ്റം പ​റ​യാ​നു​മാ​കി​ല്ല. ഫി​റ്റ്ന​സ് ച​ല​ഞ്ചു​ക​ളു​ടെ​യും ലോ​കസ​ഞ്ചാ​ര​ത്തി​ന്‍റെ​യും തി​ര​ക്കു​ക​ൾ​ക്കി​ട​യി​ൽ പ്ര​ധാ​ന​മ​ന്ത്രി ന​രേ​ന്ദ്ര മോ​ദി മൂ​ന്നു വ​ർ​ഷം മു​ൻ​പ് ഒ​ഡീ​ഷ​യി​ലെ റൂ​ർ​ക്ക​ല നി​വാ​സി​ക​ൾ​ക്ക് ഒ​രു വാ​ക്കു കൊ​ടു​ത്ത കാ​ര്യം മ​റ​ന്നു പോ​യി​ക്കാ​ണും.

എ​ന്നാ​ൽ, മ​റ​വി​യി​ൽനി​ന്ന് ഓ​ർ​മ​യി​ലേ​ക്ക് എ​ത്താ​ൻ മു​ക്തി​കാ​ന്ത ബി​സ്വാ​ൾ എ​ന്ന യു​വാ​വ് ഇ​ന്ന​ലെ വ​രെ ന​ട​ന്നു തീ​ർ​ത്ത​ത് 1350 കി​ലോ​മീ​റ്റ​ർ ദൂ​ര​മാ​ണ്. നാ​ട്ടി​ൽ ഒ​രു ന​ല്ല ആ​ശു​പ​ത്രി​യും പു​ഴ ക​ട​ക്കാ​നൊ​രു പാ​ല​വും എ​ന്ന ആ​ഗ്ര​ഹ​വു​മാ​യി ക​ഴി​ഞ്ഞ ഏ​പ്രി​ൽ 16നു ​ഒ​ഡീ​ഷ​യി​ലെ റൂ​ർ​ക്ക​ല​യി​ൽ നി​ന്ന് അ​യാ​ൾ ഡ​ൽ​ഹി​യി​ലേ​ക്കു ന​ട​ന്നു തുടങ്ങി.

മോ​ദി​യു​ടെ വാ​ഗ്ദാ​നം

2015ൽ ​ഒ​ഡീ​ഷ സ​ന്ദ​ർ​ശ​ന​ത്തി​നി​ടെ പ്ര​ധാ​ന​മ​ന്ത്രി ന​രേ​ന്ദ്ര മോ​ദി റൂ​ർ​ക്ക​ല​യി​ലെ ഇ​സ്പാ​ത് ജ​ന​റ​ൽ ആ​ശു​പ​ത്രി​യി​ൽ സൂ​പ്പ​ർ സ്പെ​ഷാ​ലി​റ്റി സൗ​ക​ര്യ​ങ്ങ​ൾ ഒ​രു​ക്കു​മെ​ന്നും മെ​ഡി​ക്ക​ൽ കോ​ള​ജാ​ക്കു​മെ​ന്നും വാ​ഗ്ദാ​നം ന​ൽ​കി​യി​രു​ന്നു. ദേ​ശീ​യ​പാ​ത 143ന്‍റെ ഭാ​ഗ​മാ​യ ര​ണ്ടാം ബ്ര​ഹ്മാ​ണി പാ​ല​ത്തി​ന്‍റെ പ​ണി പൂ​ർ​ത്തി​യാ​ക്കു​മെ​ന്നും മോ​ദി പ​റ​ഞ്ഞി​രു​ന്നു. മൂ​ന്നു വ​ർ​ഷം ക​ഴി​ഞ്ഞി​ട്ടും ഒ​ന്നും സം​ഭ​വി​ച്ചി​ല്ല. ജ​ന​ങ്ങ​ളു​ടെ യാ​ത​ന തു​ട​രു​ക ത​ന്നെ​.

പു​റ​പ്പാ​ടി​ന്‍റെ കാ​ര​ണം

ഗ്രാ​മ​ത്തി​ലെ ദു​രി​ത​ം ക​ണ്ടു​മ​ടു​ത്താ​ണ് താ​ൻ ഈ ​യാ​ത്ര​യ്ക്ക് പു​റ​പ്പെ​ട്ട​തെ​ന്നാ​ണ് പ്രതിമ നിർമാണ തൊഴിലാളിയായ മു​ക്തി​കാ​ന്ത് പ​റ​യു​ന്ന​ത്. ഇ​സ്പാത് ആ​ശു​പ​ത്രി​യു​ടെ അ​വ​സ്ഥ വ​ള​രെ പ​തി​താ​പ​ക​ര​മാ​ണ്. ചി​കി​ത്സ​കി​ട്ടാ​തെ ദി​വ​സ​വും ആ​ളു​ക​ൾ മ​രി​ക്കു​ന്നു. ശി​ശു​മ​ര​ണ നി​ര​ക്കും വ​ള​രെ കൂ​ടു​ത​ലാ​ണ്.

യാ​ത്ര പ്ര​ധാ​ന​മ​ന്ത്രി​യു​ടെ ശ്ര​ദ്ധ നേ​ടു​മെ​ന്നും അ​തി​ലൂ​ടെ ഗ്രാ​മ​ത്തിൽ അ​ടി​സ്ഥാ​ന സൗ​ക​ര്യം എ​ത്തി​ച്ചേ​രു​മെ​ന്നു​മു​ള്ള വി​ശ്വാ​സ​ത്തി​ലാ​ണ് ബി​സ്വാ​ൾ.

വെ​യി​ലേ​റ്റു വാ​ടാ​തെ

ആ​ഗ്ര​യി​ൽനി​ന്നു ഡ​ൽ​ഹി​യി​ലേ​ക്കു​ള്ള വ​ഴി​യി​ൽ ദേ​ശീ​യ പാ​ത​യി​ൽ മുക്തികാന്തയെ കൊ​ടും​ചൂ​ടും കൊ​ടി​യ ക്ഷീ​ണ​വും വീ​ഴ്ത്തി​ക്ക​ള​ഞ്ഞു. ക്ഷീ​ണം ആ​ശു​പ​ത്രി​ക്കി​ട​ക്ക​യി​ലാ​ക്കി എ​ങ്കി​ലും ത​ന്‍റെ തീ​രു​മാ​ന​ത്തി​ൽ ഉ​റ​ച്ചു നി​ൽ​ക്കു​ക​യാ​ണ് ഈ ​മു​പ്പ​തു​കാ​ര​ൻ. ന​ട​ന്നു​ത​ന്നെ ഡ​ൽ​ഹി​യി​ലെ​ത്തി പ്ര​ധാ​ന​മ​ന്ത്രിയെ കണ്ട് വാഗ്ദാനം ഓർമിപ്പിക്കണം.

സെ​ബി മാ​ത്യു