മംഗളൂരു: കർണാടകയിൽനിന്നും മറ്റു ദക്ഷിണേന്ത്യൻ സംസ്ഥാനങ്ങളിൽനിന്നുമായി ഇരുപതിനായിരത്തോളം ഉദ്യോഗാർഥികളെ പങ്കെടുപ്പിച്ചുകൊണ്ടുള്ള ആൽവാസ് പ്രഗതി റിക്രൂട്ട്മെന്റ് ക്യാമ്പ് ജൂലൈ ആറ്, ഏഴ് തീയതികളിൽ ആൽവാസ് വിദ്യാഗിരി കാമ്പസിൽ നടക്കും.
മുന്നൂറോളം കമ്പനികൾ ഈ രണ്ടുദിവസങ്ങളിലായി ആയിരക്കണക്കിന് ഉദ്യോഗാർഥികളെ റിക്രൂട്ട് ചെയ്യും. ഐടി മുതൽ ഐടിഐവരെ വലുതും ചെറുതുമായ നിരവധി തൊഴിലവസരങ്ങളാണ് ഈവർഷം ലിസ്റ്റ് ചെയ്യപ്പെട്ടിട്ടുള്ളത്. വ്യവസായ മേഖലയും സേവന മേഖലയും വിദ്യാഭ്യാസ മേഖലയും ആരോഗ്യരംഗവും ഫാർമസ്യൂട്ടിക്കൽ കമ്പനികളും ഈവർഷം ആൽവാസ് പ്രഗതിയിൽ പങ്കെടുക്കുന്നുണ്ട്. സംസ്ഥാനത്തിനകത്തും പുറത്തുമുള്ള എല്ലാവർക്കും പങ്കെടുക്കാവുന്ന രീതിയിലാണ് ഈവർഷവും ആൽവാസ് പ്രഗതി ഒരുക്കിയിരിക്കുന്നതെന്ന് ആൽവാസ് എഡ്യുക്കേഷൻ ഫൗണ്ടേഷൻ മാനേജിംഗ് ട്രസ്റ്റി വിവേക് ആൽവ അറിയിച്ചു.
കഴിഞ്ഞ വർഷങ്ങളിൽനിന്നു വ്യത്യസ്തമായി വിവിധ ഘട്ടങ്ങളിലായിട്ടാണ് ആൽവാസ് പ്രഗതി-2018 അരങ്ങേറുക. ആദ്യദിവസമായ ജൂലൈ ആറിന് രജിസ്ട്രേഷനോടെയാണ് പരിപാടികൾ തുടങ്ങുക. ഓൺലൈൻ രജിസ്ട്രേഷൻ സൗകര്യവും ഏർപ്പെടുത്തിയിട്ടുണ്ട്. രാവിലെ എട്ടിന് ആരംഭിക്കുന്ന നിയമന പ്രക്രിയകൾ പിറ്റേന്ന് വൈകുന്നേരത്തോടെ അവസാനിക്കും. കമ്പനികളുടെ പേരുകളും ഓരോ വിഭാഗത്തിനുമുള്ള തൊഴിലവസരങ്ങളും വേതനം, മറ്റ് ആനുകൂല്യങ്ങൾ എന്നീ വിവരങ്ങളും www.alvaspragati.com എന്ന വെബ്സൈറ്റിൽ ലഭിക്കും.
രജിസ്ട്രേഷൻ സൗജന്യമാണ്. ഉദ്യോഗാർഥികളെല്ലാവരും വെബ്സൈറ്റിൽ കൊടുത്തിരിക്കുന്ന വിവരങ്ങൾ കൃത്യമായി മനസിലാക്കിയിട്ടുവേണം ഇതിൽ പങ്കെടുക്കേണ്ടതെന്ന് വിവേക് ആൽവ പറഞ്ഞു. ഇത്രയധികം ഉദ്യോഗാർഥികൾ പങ്കെടുക്കുന്ന തൊഴിലവസരങ്ങൾ സാധാരണഗതിയിൽ ഉണ്ടാകാറില്ല. വിവിധ വിഭാഗങ്ങളിലുള്ളവർക്ക് പ്രത്യേകം കളർ കോഡിംഗ്, ആയിരത്തോളം ഇന്റർവ്യൂ കേന്ദ്രങ്ങൾ, രണ്ടായിരത്തോളം വോളണ്ടിയർമാരുടെ സേവനം, മികച്ച കംപ്യൂട്ടർ സംവിധാനങ്ങൾ എന്നിവയെല്ലാം ആൽവാസ് പ്രഗതിയുടെ പ്രത്യേകതകളാണ്.
മുന്നൂറോളം കമ്പനികൾ ഈ രണ്ടുദിവസങ്ങളിലായി ആയിരക്കണക്കിന് ഉദ്യോഗാർഥികളെ റിക്രൂട്ട് ചെയ്യും. ഐടി മുതൽ ഐടിഐവരെ വലുതും ചെറുതുമായ നിരവധി തൊഴിലവസരങ്ങളാണ് ഈവർഷം ലിസ്റ്റ് ചെയ്യപ്പെട്ടിട്ടുള്ളത്. വ്യവസായ മേഖലയും സേവന മേഖലയും വിദ്യാഭ്യാസ മേഖലയും ആരോഗ്യരംഗവും ഫാർമസ്യൂട്ടിക്കൽ കമ്പനികളും ഈവർഷം ആൽവാസ് പ്രഗതിയിൽ പങ്കെടുക്കുന്നുണ്ട്. സംസ്ഥാനത്തിനകത്തും പുറത്തുമുള്ള എല്ലാവർക്കും പങ്കെടുക്കാവുന്ന രീതിയിലാണ് ഈവർഷവും ആൽവാസ് പ്രഗതി ഒരുക്കിയിരിക്കുന്നതെന്ന് ആൽവാസ് എഡ്യുക്കേഷൻ ഫൗണ്ടേഷൻ മാനേജിംഗ് ട്രസ്റ്റി വിവേക് ആൽവ അറിയിച്ചു.
കഴിഞ്ഞ വർഷങ്ങളിൽനിന്നു വ്യത്യസ്തമായി വിവിധ ഘട്ടങ്ങളിലായിട്ടാണ് ആൽവാസ് പ്രഗതി-2018 അരങ്ങേറുക. ആദ്യദിവസമായ ജൂലൈ ആറിന് രജിസ്ട്രേഷനോടെയാണ് പരിപാടികൾ തുടങ്ങുക. ഓൺലൈൻ രജിസ്ട്രേഷൻ സൗകര്യവും ഏർപ്പെടുത്തിയിട്ടുണ്ട്. രാവിലെ എട്ടിന് ആരംഭിക്കുന്ന നിയമന പ്രക്രിയകൾ പിറ്റേന്ന് വൈകുന്നേരത്തോടെ അവസാനിക്കും. കമ്പനികളുടെ പേരുകളും ഓരോ വിഭാഗത്തിനുമുള്ള തൊഴിലവസരങ്ങളും വേതനം, മറ്റ് ആനുകൂല്യങ്ങൾ എന്നീ വിവരങ്ങളും www.alvaspragati.com എന്ന വെബ്സൈറ്റിൽ ലഭിക്കും.
രജിസ്ട്രേഷൻ സൗജന്യമാണ്. ഉദ്യോഗാർഥികളെല്ലാവരും വെബ്സൈറ്റിൽ കൊടുത്തിരിക്കുന്ന വിവരങ്ങൾ കൃത്യമായി മനസിലാക്കിയിട്ടുവേണം ഇതിൽ പങ്കെടുക്കേണ്ടതെന്ന് വിവേക് ആൽവ പറഞ്ഞു. ഇത്രയധികം ഉദ്യോഗാർഥികൾ പങ്കെടുക്കുന്ന തൊഴിലവസരങ്ങൾ സാധാരണഗതിയിൽ ഉണ്ടാകാറില്ല. വിവിധ വിഭാഗങ്ങളിലുള്ളവർക്ക് പ്രത്യേകം കളർ കോഡിംഗ്, ആയിരത്തോളം ഇന്റർവ്യൂ കേന്ദ്രങ്ങൾ, രണ്ടായിരത്തോളം വോളണ്ടിയർമാരുടെ സേവനം, മികച്ച കംപ്യൂട്ടർ സംവിധാനങ്ങൾ എന്നിവയെല്ലാം ആൽവാസ് പ്രഗതിയുടെ പ്രത്യേകതകളാണ്.