ബംഗളൂരു: ഭരണഘടന അനുസരിച്ചു പ്രവർത്തിക്കുന്നതിനു പകരം നരേന്ദ്ര മോദിയെയും ബിജെപി അധ്യക്ഷൻ അമിത് ഷായെയും അനുസരിക്കുന്ന ഗവർണർ രാജിവയ്ക്കണമെന്നു മുൻ മുഖ്യമന്ത്രി സിദ്ധരാമയ്യ. ജനാധിപത്യത്തെ കൊലപ്പെടുത്തുകയാണ് ഗവർണർ. ഭൂരിപക്ഷം തെളിയിക്കാൻ യെദിയൂരപ്പ ഏഴു ദിവസം ചോദിച്ചപ്പോൾ ഗവർണർ 15 ദിവസം നൽകി. ബിജെപിയുമായുള്ള ഗൂഢാലോചന ഇതിലൂടെ വ്യക്തമാണെന്നും സിദ്ധരാമയ്യ കുറ്റപ്പെടുത്തി.
