പുനലൂര്: 42-ാമത് സംസ്ഥാന ജൂണിയര് ബാസ്കറ്റ്ബോളില് ചാമ്പ്യന്മാരായ കോട്ടയത്തിന്റെ ആണ്കുട്ടികളും തൃശൂരിന്റെ പെണ്കുട്ടികളും സെമിയില്. തിരുവനന്തപുരത്തിന്റെ പെണ്കുട്ടികളും എറണാകുളത്തിന്റെ ആണ്കുട്ടികളും സെമിയിലെത്തിയിട്ടുണ്ട്.
ആണ്കുട്ടികളുടെ ആദ്യ ക്വാര്ട്ടറില് കോട്ടയം അനായാസ ജയമാണ് സ്വന്തമാക്കിയത്. 41-7ന് കോട്ടയത്തിന്റെ കുട്ടികള് പാലക്കാടിനെ തകര്ത്തപ്പോള് എറണാകുളം 69-65ന് ആലപ്പുഴയെ കീഴടക്കി. സെമിയില് എറണാകുളമാണ് കോട്ടയത്തിന്റെ എതിരാളികള്. പെണ്കുട്ടികളുടെ ക്വാര്ട്ടറില് തൃശൂര് 47-23ന് കൊല്ലത്തെയും തിരുവനന്തപുരം 52-12ന് പത്തനംതിട്ടയെയും പരാജയപ്പെടുത്തി.
ബാസ്കറ്റ്ബോൾ: കോട്ടയവും തൃശൂരും സെമിയില്
12:37 AM Apr 21, 2018 | Deepika.com