ഇന്ത്യൻവെൽസ്: പരിക്കിനുശേഷം നൊവാക് ജോക്കോവിച്ചിന്റെ തിരിച്ചുവരവ് തോൽവിയോടെ. ഇന്ത്യൻ വെൽസ് മാസ്റ്റേഴ്സ് ടെന്നീസിന്റെ രണ്ടാം റൗണ്ടിൽ ജോക്കോവിച്ച് പുറത്തായി. ജോക്കോവിച്ചിനൊപ്പം അലക്സാണ്ടർ സ്വരേവും രണ്ടാം റൗണ്ടിൽ പുറത്തായി.
അതേസമയം, ലോക ഒന്നാം നന്പറും നിലവിലെ ചാന്പ്യനുമായ റോജർ ഫെഡറർ മൂന്നാം റൗണ്ടിലെത്തി. ജോക്കോവിച്ചിനെ ജപ്പാന്റെ ടാരോ ഡാനിയൽ 7-6, 4-6, 6-1നും സ്വരേവിനെ ജോവോ സോസ 7-5, 5-7, 6-4നും പരാജയപ്പെടുത്തി. ആറാം ഇന്ത്യൻ വെൽസ് കിരീടം തേടുന്ന ഫെഡറർ 6-3, 7-6ന് ഫെഡറികോ ഡെൽബോണിസിനെ പരാജയപ്പെടുത്തി. മറ്റു മത്സരങ്ങളിൽ സിലിച്ച് 7-5, 6-3നു മാർട്ടോൻ ഫുസോവിസിനെയും ഡെൽപൊട്രോ 6-2, 6-1ന് അലക്സ് ഡി മിനോറിനെയും കീഴടക്കി.
ജോക്കോവിച്ചിനെ അട്ടിമറിച്ചു
01:33 AM Mar 13, 2018 | Deepika.com