ചെന്നൈയിനു ജയം; ബ്ലാസ്റ്റേഴ്സ് സൂപ്പര് കപ്പിന്
12:01 AM Mar 04, 2018 | Deepika.com
ചെന്നൈ: ഹീറോ ഇന്ത്യന് സൂപ്പര് ലീഗില് ചെന്നൈ ജവഹര്ലാല് നെഹ്റു സ്റ്റേഡിയത്തില് നടന്ന മത്സരത്തില് ചെന്നൈയിൻ എഫ്സിക്ക് വിജയം. ഏകപക്ഷീയമായ ഒരു ഗോളിന് ചെന്നൈയിന് മുംബൈ സിറ്റി എഫ്സിയെ പരാജയപ്പെടുത്തി. 67-ാം മിനിട്ടില് പെനാൽറ്റിയിലൂടെയാണ് ചെന്നൈ ഏക ഗോള് നേടിയത്. ഇതോടെ 32 പോയിന്റുമായി ചെന്നൈയിന് എഫ്സി പട്ടികയില് രണ്ടാം സ്ഥാനത്തേക്ക് കയറി. ചെന്നൈയുടെ ജയത്തോടെ പോയിന്റ് പട്ടികയില് ആറാം സ്ഥാനവുമായി കേരള ബ്ലാസ്റ്റേഴ്സ് നേരിട്ട് സൂപ്പര് കപ്പില് ഇടം നേടി.