ആവേശത്തിനൊടുവിൽ ഇംഗ്ലണ്ട്
12:01 AM Mar 04, 2018 | Deepika.com
വെല്ലിംഗ്ടണ്: ന്യൂസിലൻഡിനെതിരേ ഏകദിന പരന്പരയിലെ മൂന്നാം മത്സരത്തിൽ ഇംഗ്ലണ്ടിന് നാല് റണ്സ് ജയം. ഭാഗ്യനിർഭാഗ്യങ്ങൾ മാറിമറിഞ്ഞ മത്സരത്തിൽ സ്പിന്നർമാരാണ് ഇംഗ്ലണ്ടിന് ജയമൊരുക്കിയത്. പത്ത് ഓവറിൽ 36 റണ്സ് വഴങ്ങി മൂന്ന് വിക്കറ്റ് വീഴ്ത്തിയ ഇംഗ്ലണ്ടിന്റെ മൊയീൻ അലിയാണ് മാൻ ഓഫ് ദ മാച്ച്. സ്കോർ: ഇംഗ്ലണ്ട് 50 ഓവറിൽ 234. ന്യൂസിലൻഡ് 50 ഓവറിൽ എട്ട് വിക്കറ്റിന് 230. ഇതോടെ അഞ്ച് മത്സര പരന്പരയിൽ സന്ദർശകർ 2-1ന് മുന്നിലെത്തി. കിവീസിനുവേണ്ടി കെയ്ൻ വില്യംസണ് 112 റണ്സ് എടുത്ത് പുറത്താകാതെനിന്നെങ്കിലും ടീമിനെ ജയത്തിലെത്തിക്കാൻ സാധിച്ചില്ല.