ലണ്ടൻ: ഇംഗ്ലീഷ് ഫുട്ബോൾ ക്ലബ് മാഞ്ചസ്റ്റർ യുണൈറ്റഡിന്‍റെ സ്പാനിഷ് ഗോളി ഡേവിഡ് ഡി ഹേയ ഓൾഡ് ട്രാഫോഡിൽത്തന്നെ തുടരുമെന്ന് സൂചന. സ്പാനിഷ് ക്ലബ് റയൽ മാഡ്രിഡ് രണ്ടു വർഷമായി ഗിയയെ നോട്ടമിട്ടിരിക്കുകയാണ്. 8.8 കോടി പൗണ്ടാണ് (ഏകദേശം 798 കോടി രൂപ) റയൽ ഹേയയുവേണ്ടി മുടക്കാൻ തയാറായത്. എന്നാൽ, മാഞ്ചസ്റ്റർ യുണൈറ്റഡ് 10 കോടി പൗണ്ട് (907 കോടി രൂപ) ആവശ്യപ്പെട്ടതായി സ്പാനിഷ് മാധ്യമങ്ങൾ റിപ്പോർട്ട് ചെയ്തു.
അതേസമയം, ഓൾഡ് ട്രാഫോഡിൽത്തന്നെ തുടരാനാണ് ഹേയയുടെ ആഗ്രഹമെന്നും കരാർ പുതുക്കാൻ താരം തയാറാണെന്നും മാഞ്ചസ്റ്റർ യുണൈറ്റഡ് വൃത്തങ്ങൾ അറിയിച്ചതായി ബ്രിട്ടീഷ് മാധ്യമങ്ങൾ റിപ്പോർട്ട് ചെയ്തു. നിലവിൽ ഗിയയുടെ കരാർ കാലാവധി 18 മാസം കൂടിയുണ്ട്. ഗിയയെ ലഭിക്കില്ലെന്ന സൂചനയെത്തുടർന്ന് ചെൽസി ഗോളി തിബോ കൂർട്വായെ സ്വന്തമാക്കാനുള്ള ശ്രമത്തിലാണ് റയൽ.
വിൽക്കാനില്ല, ഡേവിഡ് ഹേയയെ
12:54 AM Feb 24, 2018 | Deepika.com