ചെന്നൈ: ഇന്ത്യന്‍ സൂപ്പര്‍ ലീഗില്‍ ചെന്നൈയിന് ജയം. സ്വന്തം ജവര്‍ഹര്‍ലാല്‍ നെഹ്റു സ്റ്റേഡിയത്തില്‍ നടന്ന മത്സരത്തില്‍ ചെന്നൈയിന് ഏകപക്ഷീയമായ ഒരു ഗോളിന് പൂന സിറ്റി എഫ്‌സിയെ തോല്‍പ്പിച്ചു. 83-ാം മിനിറ്റില്‍ ഗ്രിഗറി നെല്‍സണ്‍ നേടിയ ഗോളിലായിരുന്നു ചെന്നൈയിന്‍റെ ജയം. ജയത്തോടെ ചെന്നൈയിൻ സ്വന്തം ഗ്രൗണ്ടിലെ റിക്കാര്‍ഡ് നിലനിര്‍ത്തി. പൂന സിറ്റിക്ക് ഇതുവരെ ചെന്നൈയെ അവരുടെ ഗ്രൗണ്ടില്‍ തോല്‍പ്പിക്കാനായിട്ടില്ല.
51-ാം മിനിറ്റില്‍ ചെന്നൈയിന് അനുകൂലമായി പെനാല്‍റ്റി ലഭിച്ചെങ്കിലും അവസരം വിനിയോഗിക്കാനായില്ല. എന്നാൽ, കളി തീരാൻ ഏഴു മിനിറ്റുള്ളപ്പോൾ വിജയഗോൾ പിറന്നു.
ചെന്നൈയിനു ജയം
12:00 AM Jan 14, 2018 | Deepika.com