വാഷിംഗ്ടൺ ഡിസി : അമേരിക്കയുടെ കൂടെയാണെന്നു പറയുകയും അതേസമയം ഭീകരരെ സംരക്ഷിക്കുകയും ചെയ്യുന്ന നയമാണു വർഷങ്ങളായി പാക്കിസ്ഥാൻ പുലർത്തിവന്നിരുന്നതെന്ന് യുഎന്നിലെ യുഎസ് സ്ഥാനപതി നിക്കിഹേലി. ഈ ഇരട്ടത്താപ്പ് ഇനി അനുവദിക്കാനാവില്ല. പാക്കിസ്ഥാനുള്ള മുഴുവൻ സഹായവും നിർത്താൻ ട്രംപിനു മടിയില്ലെന്ന് നിക്കി ഹേലി പറഞ്ഞു. പാക്കിസ്ഥാനുള്ള അമേരിക്കൻ സൈനിക സഹായം നിർത്തിവയ്ക്കാൻ കഴിഞ്ഞദിവസം ട്രംപ് നിർദേശിച്ചിരുന്നു.