മൈസൂരു: കോൺഗ്രസിന്‍റെ പ്രത്യയശാസ്ത്രം അംഗീകരിക്കുന്നവരെ പാർട്ടിയിലെടുക്കുമെന്നു കർണാടക മുഖ്യമന്ത്രി സിദ്ധരാമയ്യ. ലോക്സഭാ തെരഞ്ഞെടുപ്പിനു മുന്പ് ഏതാനും ബിജെപി എംഎൽഎമാർ കോൺഗ്രസിൽ ചേക്കേറുമെന്ന റിപ്പോർട്ടിനോടു പ്രതികരിക്കുകയായിരുന്നു അദ്ദേഹം.
കോൺഗ്രസ് വിട്ടുപോയവർക്കു മാത്രമല്ല, ഞങ്ങളുടെ പാർട്ടിയുടെ നയവും പ്രത്യയശാസ്ത്രവും അംഗീകരിക്കുന്നവർക്കും കോൺഗ്രസിൽ ചേരാം. 2019ൽ കോൺഗ്രസിൽനിന്നും ജെഡി-എസിൽനിന്നും ബിജെപിയിലെത്തിയ നേതാക്കൾ കോൺഗ്രസിൽ ചേരാൻ താത്പര്യം അറിയിച്ചിട്ടുണ്ട്. -സിദ്ധരാമയ്യ പറഞ്ഞു.
എസ്.ടി. സോമശേഖർ, എ. ശിവറാം ഹെബ്ബാർ, എം.പി. രേണുകാചാര്യ എന്നിവർ സിദ്ധരാമയ്യയുമായി കൂടിക്കാഴ്ച നടത്തിയിരുന്നു. ബിജെപി വിട്ട് ജെഡി-എസിലെത്തിയ അയനൂർ മഞ്ജുനാഥ് ഉപമുഖ്യമന്ത്രി ഡി.കെ. ശിവകുമാറുമായും ചർച്ച നടത്തി. മുതിർന്ന ബിജെപി നേതാവും മുൻ മുഖ്യമന്ത്രിയുമായ ബി.എസ്. യെദിയൂരപ്പയുടെ ഉറ്റ അനുയായി ആണ് രേണുകാചാര്യ.
ബിജെപി നേതാക്കളെ കോൺഗ്രസിലെത്തിക്കുന്ന പദ്ധതിക്ക് "ഓപ്പറേഷൻ ഹസ്ത' എന്നാണു പേരിട്ടിരിക്കുന്നത്.
കോൺഗ്രസ് വിട്ടുപോയവർക്കു മാത്രമല്ല, ഞങ്ങളുടെ പാർട്ടിയുടെ നയവും പ്രത്യയശാസ്ത്രവും അംഗീകരിക്കുന്നവർക്കും കോൺഗ്രസിൽ ചേരാം. 2019ൽ കോൺഗ്രസിൽനിന്നും ജെഡി-എസിൽനിന്നും ബിജെപിയിലെത്തിയ നേതാക്കൾ കോൺഗ്രസിൽ ചേരാൻ താത്പര്യം അറിയിച്ചിട്ടുണ്ട്. -സിദ്ധരാമയ്യ പറഞ്ഞു.
എസ്.ടി. സോമശേഖർ, എ. ശിവറാം ഹെബ്ബാർ, എം.പി. രേണുകാചാര്യ എന്നിവർ സിദ്ധരാമയ്യയുമായി കൂടിക്കാഴ്ച നടത്തിയിരുന്നു. ബിജെപി വിട്ട് ജെഡി-എസിലെത്തിയ അയനൂർ മഞ്ജുനാഥ് ഉപമുഖ്യമന്ത്രി ഡി.കെ. ശിവകുമാറുമായും ചർച്ച നടത്തി. മുതിർന്ന ബിജെപി നേതാവും മുൻ മുഖ്യമന്ത്രിയുമായ ബി.എസ്. യെദിയൂരപ്പയുടെ ഉറ്റ അനുയായി ആണ് രേണുകാചാര്യ.
ബിജെപി നേതാക്കളെ കോൺഗ്രസിലെത്തിക്കുന്ന പദ്ധതിക്ക് "ഓപ്പറേഷൻ ഹസ്ത' എന്നാണു പേരിട്ടിരിക്കുന്നത്.
