ഓ​ണാ​ഘോ​ഷം പു​തു​പ്പ​ള്ളി​ക്ക് വോ​ട്ടാ​ഘോ​ഷം

കോ​ട്ട​യം: പു​തു​പ്പ​ള്ളി​ക്കാ​ര്‍​ക്ക് ഇ​ക്കു​റി ഓ​ണം സ്‌​പെ​ഷ​ലാ​ണ്. ഓ​ണാ​ഘോ​ഷം വോ​ട്ടാ​ഘോ​ഷ​മാ​യി മാ​റും. പ​ട്ട​ണ​ത്തി​ന്‍റെ പ്രൗ​ഢി​യി​ല്ല, വ്യ​വ​സാ​യ ശാ​ല​ക​ളു​മി​ല്ല, എ​ങ്ങും കൃ​ഷി​യു​ടെ പ​ച്ച​പ്പ് മാ​ത്രം!

നെ​ല്ലു മു​ത​ല്‍ ജാ​തി​യും റ​ബ​റും കു​രു​മു​ള​കും പ​ച്ച​ക്ക​റി​യു​മൊ​ക്കെ ഒ​രു​പോ​ലെ വി​ള​യു​ന്ന പു​തു​പ്പ​ള്ളി​പോ​ലെ മ​റ്റൊ​രു മ​ണ്ഡ​ല​മി​ല്ല. ന​ന്മ​യും സ​ത്യ​വു​ള്ള​വ​രാ​ണു പു​തു​പ്പ​ള്ളി​ക്കാ​ർ. പ​റ​ഞ്ഞു പാ​ട്ടി​ലാ​ക്കാ​മെ​ങ്കി​ലും അ​ങ്ങ​നെ​യൊ​ന്നും പ​റ്റി​ക്കാ​നാ​വി​ല്ലെ​ന്നു സ്ഥാ​നാ​ര്‍​ഥി​ക​ള്‍​ക്കും ന​ന്നാ​യി അ​റി​യാം.

അ​തി​നാ​ല്‍ ഓ​രോ​രു​ത്ത​രെ​യും ക​ണ്ടു വോ​ട്ട് ചോ​ദി​ക്കു​ക​യാ​ണു മു​ന്ന​ണി സ്ഥാ​നാ​ര്‍​ഥി​ക​ളാ​യ ചാ​ണ്ടി ഉ​മ്മ​നും ജെ​യ്ക് സി. ​തോ​മ​സും ലി​ജി​ന്‍ ലാ​ലും.

സ്ഥാ​നാ​ര്‍​ഥി പ്ര​ഖ്യാ​പ​നം മു​ത​ല്‍ മു​മ്പേ ന​ട​ന്ന ചാ​ണ്ടി ഉ​മ്മ​ന്‍ വ്യാ​ഴാ​ഴ്ച​യാ​ണ് പ​ത്രി​ക സ​മ​ര്‍​പ്പി​ച്ച​ത്. രാ​വി​ലെ അ​മ്മ മ​റി​യാ​മ്മ ഉ​മ്മ​നും സ​ഹോ​ദ​രി അ​ച്ചു ഉ​മ്മ​നു​മൊ​പ്പം വീ​ട്ടി​ല്‍​നി​ന്ന് പു​തു​പ്പ​ള്ളി പ​ള്ളി​യി​ലെ​ത്തി. ഉ​മ്മ​ന്‍ ചാ​ണ്ടി​യു​ടെ ക​ല്ല​റ​യി​ല്‍ പ്രാ​ര്‍​ഥി​ച്ച​ശേ​ഷം പ​ത്രി​ക സ​മ​ര്‍​പ്പി​ക്കാ​ൻ പാ​മ്പാ​ടി ബി​ഡി​ഒ ഓ​ഫീ​സി​ലേ​ക്കു തി​രി​ച്ചു.

പ​ള്ളി​ക്ക​ത്തോ​ട് ജം​ഗ്ഷ​നി​ല്‍​നി​ന്നു പ്ര​ക​ട​ന​മാ​യി ബി​ഡി​ഒ ഓ​ഫീ​സി​ലേ​ക്ക്. പി​താ​വ് ഉ​മ്മ​ന്‍ ചാ​ണ്ടി​യു​ടെ പ​ത്രി​ക സ​മ​ര്‍​പ്പ​ണ​ത്തി​ന്‍റെ ത​നി​യാ​വ​ര്‍​ത്ത​നം. പ്ര​തി​പ​ക്ഷ​ത്തി​നു മേ​ല്‍​ക്കൈ നേ​ടാ​നു​ള്ള അ​വ​സ​രം ന​ൽ​കാ​തെ​യു​ള്ള ചി​ട്ട​യാ​യ പ്ര​വ​ർ​ത്ത​നം.

മു​ഖ്യ​മ​ന്ത്രി​യാ​യി​രു​ന്ന​പ്പോ​ൾ ഉ​മ്മ​ന്‍ ചാ​ണ്ടി​യു​ടെ വാ​ഹ​ന​ത്തി​നു​നേ​രേ ക​ണ്ണൂ​രി​ല്‍ ക​ല്ലെ​റി​ഞ്ഞ കേ​സി​ലെ പ്ര​തി സി.​ഒ.​ടി. ന​സീ​റി​ന്‍റെ മാ​താ​വ് ആ​മി​ന ബീ​വി​യി​ല്‍​നി​ന്നു കെ​ട്ടി​വ​യ്ക്കാ​നു​ള്ള തു​ക വാ​ങ്ങി. നാ​ല് സെ​റ്റ് പ​ത്രി​ക​യാ​ണ് ചാ​ണ്ടി ഉ​മ്മ​ന്‍ സ​മ​ര്‍​പ്പി​ച്ച​ത്. ഇ​ന്നു രാ​വി​ലെ അ​യ​ര്‍​ക്കു​ന്നം, അ​ക​ല​ക്കു​ന്നം, കൂ​രോ​പ്പ​ട പ​ഞ്ചാ​യ​ത്തു​ക​ളി​ല്‍ വോ​ട്ട​ര്‍​മാ​രെ നേ​രി​ല്‍ ക​ണ്ടു​ള്ള പ്ര​ചാ​ര​ണം.



സ്ഥാ​നാ​ർ​ഥി പ്ര​ഖ്യാ​പ​ന​ത്തി​നു മു​ന്നേ ക​ള​ത്തി​ലി​റ​ങ്ങി വോ​ട്ടു​തേ​ടി​യ എ​ല്‍​ഡി​എ​ഫ് സ്ഥാ​നാ​ര്‍​ഥി ജെ​യ്ക് സി. ​തോ​മ​സ് പ​ത്രി​ക സ​മ​ര്‍​പ്പ​ണ​ത്തി​ന് ചി​ങ്ങം പു​ല​രാ​ന്‍ നോ​ക്കി​യി​ല്ല. ക​ര്‍​ക്ക​ട​ക​ത്തി​ന്‍റെ അ​വ​സാ​ന ദി​ന​മാ​ണ് ജെ​യ്ക് പ​ത്രി​ക സ​മ​ര്‍​പ്പി​ച്ച​ത്. വ്യാ​ഴാ​ഴ്ച നാ​മ​നി​ര്‍​ദേ​ശ പ​ത്രി​ക പു​തു​ക്കി ന​ല്‍​കാ​നും സ​മ​യം ക​ണ്ടെ​ത്തി.

വോ​ട്ട​ര്‍​മാ​രെ നേ​രി​ല്‍ കാ​ണാ​നു​ള്ള ഓ​ട്ട​ത്തി​ലാ​ണ് ഇ​ട​ത് സ്ഥാ​നാ​ർ​ഥി. പു​തു​പ്പ​ള്ളി, വാ​ക​ത്താ​നം പ​ഞ്ചാ​യ​ത്തു​ക​ളി​ലാ​ണ് ഇ​ന്ന് പ​ര്യ​ട​നം പൂ​ർ​ത്തി​യാ​ക്കി​യ​ത്. കോ​വി​ഡ് കാ​ല​ത്തും പ്ര​ള​യ​കാ​ല​ത്തു​മെ​ല്ലാം നാ​ടി​ന്‍റെ ഒ​രോ മേ​ഖ​ല​യി​ലും ഡി​വൈ​എ​ഫ്‌​ഐ വോ​ള​ന്‍റി​യ​റാ​യി എ​ത്തി​യ ജെ​യ്ക്കി​നു പ്ര​ചാ​ര​ണ​ത്തി​ന്‍റെ ന​ട​ത്ത​വും ക​റ​ക്ക​വു​മൊ​ന്നും പ്ര​ശ്ന​മ​ല്ല.



എ​ൻ​ഡി​എ സ്ഥാ​നാ​ർ​ഥി ലി​ജി​ൻ ലാ​ലും ചി​ങ്ങ​പ്പു​ല​രി​യി​ലാ​ണു പ​ത്രി​ക സ​മ​ര്‍​പ്പി​ച്ച​ത്. പ​ള്ളി​ക്ക​ത്തോ​ട് ബ​സ് സ്റ്റാ​ന്‍​ഡ് പ​രി​സ​ര​ത്തു​നി​ന്ന് കാ​ല്‍​ന​ട​യാ​യി എ​ത്തി​യാ​യി​രു​ന്നു പ​ത്രി​ക സ​മ​ര്‍​പ്പ​ണം. അ​സി​സ്റ്റ​ന്‍റ് റി​ട്ടേ​ണിം​ഗ് ഓ​ഫീ​സ​റും പാ​മ്പാ​ടി ബി​ഡി​ഒ​യു​മാ​യ ഇ. ​ദി​ല്‍​ഷാ​ദി​ന് ര​ണ്ടു സെ​റ്റ് പ​ത്രി​ക കൈ​മാ​റി.

കേ​ന്ദ്ര, സം​സ്ഥാ​ന നേ​താ​ക്ക​ളെ രം​ഗ​ത്തി​റ​ക്കി പ്ര​ച​ര​ണം കൊ​ഴു​പ്പി​ക്കാ​നാ​ണ് ബി​ജെ​പി തീ​രു​മാ​നം. പ​ത്ര​ക സ​മ​ർ​പ്പ​ണ​ത്തി​ന് കേ​ന്ദ്ര​മ​ന്ത്രി വി.​മു​ര​ളീ​ധ​ര​നും സം​സ്ഥാ​ന അ​ധ്യ​ക്ഷ​ൻ കെ.​സു​രേ​ന്ദ്ര​നും മ​റ്റ് മു​തി​ർ​ന്ന നേ​താ​ക്ക​ളും എ​ല്ലാം ഉ​ണ്ടാ​യി​രു​ന്നു. വ​രും ദി​വ​സ​ങ്ങ​ളി​ലും ദേ​ശീ​യ നേ​താ​ക്ക​ൾ ഉ​ൾ​പ്പ​ടെ രം​ഗ​ത്തി​റ​ങ്ങു​മെ​ന്നാ​ണ് റി​പ്പോ​ർ​ട്ട്.