മഞ്ഞ വിതറി ദീപാവലി

കൊ​ച്ചി: അ​പ്ര​തീ​ക്ഷി​ത​മാ​യി ഒ​ന്നും സം​ഭ​വി​ച്ചി​ല്ല. ഭാ​ഗ്യ​ത്തി​ന്‍റെ അ​ക​മ്പ​ടി​യോ​ടെ പ്രീ​ക്വാ​ര്‍ട്ട​റി​ല്‍ എ​ത്തി​യ ഹോ​ണ്ടു​റാ​സി​നു പ്ര​ത്യേ​കി​ച്ച് ഒ​ന്നും ചെ​യ്യാ​നു​മു​ണ്ടാ​യി​രു​ന്നി​ല്ല. ബ്ര​സീ​ലി​യ​ന്‍ ട​ച്ച് ഫു​ട്ബോ​ള്‍ ക​ണ്ടു മ​ന​സു നി​റ​ഞ്ഞ് അ​വ​ര്‍ക്കും മ​ട​ങ്ങാം. പെ​ലെ​യു​ടെ നാ​ട്ടി​ല്‍നി​ന്നു ഈ ​രാ​ജ​കു​മാ​ര​ന്മാ​ര്‍ വ​ന്ന​തു വെ​റു​തെ അ​ങ്ങു മ​ട​ങ്ങാ​ന​ല്ല​ല്ലോ.

നാ​ലാം കി​രീ​ട​ത്തി​ലേ​ക്കു​ള്ള ദൂ​രം മൂ​ന്നു മ​ത്സ​ര​ങ്ങ​ള്‍ മാ​ത്ര​മാ​ക്കി ചു​രു​ക്കി ബ്ര​സീ​ല്‍ ക്വാ​ര്‍ട്ട​റി​ല്‍. കോ​ല്‍ക്ക​ത്ത​യി​ല്‍ അ​വ​സാ​ന എ​ട്ടി​ല്‍ ജ​ര്‍മ​നി​യെ നേ​രി​ടു​ന്ന​തി​നു മു​ന്‍പു മ​ഞ്ഞ​പ്പ​ട കൊ​ച്ചി​യി​ല്‍ ഹോ​ണ്ടു​റാ​സി​നെ​തി​രേ സ്വ​ന്ത​മാ​ക്കി​യ​ത് എ​തി​രി​ല്ലാ​ത്ത മൂ​ന്നു ഗോ​ള്‍ വി​ജ​യം. കാ​ന​റി​ക​ള്‍ക്കാ​യി ബ്രെ​ന്ന​ര്‍ ഇ​ര​ട്ട ഗോ​ള്‍ നേ​ടി​യ​പ്പോ​ള്‍ മാ​ര്‍ക്കോ​സ് ആ​ന്‍റോ​ണി​യോ ഗോ​ള്‍പ്പ​ട്ടി​ക പൂ​ര്‍ത്തി​യാ​ക്കി.കൊച്ചിക്ക് മഞ്ഞയിൽ കുളിച്ച സുന്ദരദീപാവലി. ഇ​നി അ​ങ്കം കോ​ല്‍ക്ക​ത്ത​യി​ല്‍. മാ​റ​ക്കാ​ന​യും ഏ​ഴും ഗോ​ളും ന​ല്‍കി​യ നീ​റ്റ​ലി​ല്‍നി​ന്നു മു​ക്തി നേ​ടാ​ന്‍ ബ്ര​സീ​ല്‍ എ​ത്തു​ന്നു... ജ​ര്‍മ​നി സൂ​ക്ഷി​ച്ചോ..!

ബ്ര​സീ​ലി​യ​ന്‍ വി​ജ​യ​ത്തി​ല്‍ നി​ര്‍ണാ​യ​ക​മാ​യ​തു അ​ല​ന്‍റെ​യും മാ​ര്‍ക്കോ​സ് ആ​ന്‍റോ​ണി​യോ​യു​ടെ​യും പ്ര​ക​ട​ന​ങ്ങ​ളാ​ണ്. ആ​ദ്യ ക​ളി​യി​ലെ സെ​ല്‍ഫ് ഗോ​ളി​നു ശേ​ഷം ഒ​രു ഗോ​ള്‍ പോ​ലും വ​ഴ​ങ്ങാ​ത്ത സം​ഘ​മെ​ന്ന സ​ല്‍പ്പേ​ര് അ​ടി​വ​ര​യി​ട്ട് ഉ​റ​പ്പി​ച്ചു​ത്ത​ന്നെ​യാ​ണു മ​ഞ്ഞ​പ്പ​ട കൊ​ച്ചി​യി​ല്‍നി​ന്നു മ​ട​ങ്ങു​ന്ന​ത്. പാ​റ​പോ​ലെ ഉ​റ​ച്ച പ്ര​തി​രോ​ധ​വു​മാ​യി വി​റ്റാ​വോ​യു​ടെ നേ​തൃ​ത്വ​ത്തി​ലു​ള്ള പ്ര​തി​രോ​ധ​വും ഗോ​ള്‍ പോ​സ്റ്റി​നു മു​ന്നി​ല്‍ ചി​റ​വു വി​ട​ര്‍ത്തി ഗ​ബ്രി​യേ​ല്‍ ബ്ര​സാ​വോ​യും നി​ന്ന​പ്പോ​ള്‍ പ​ലാ​സി​യോ​യും മോ​ഹി​യോ​യു​മെ​ല്ലാം നി​ശ​ബ്ദ​മാ​യി.
പ​തി​ഞ്ഞ താ​ള​ത്തി​ലാ​യി​രു​ന്നു ക​ളി​യു​ടെ തു​ട​ക്കം. താ​ളം ക​ണ്ടെ​ത്തി​യ​തോ​ടെ ബ്ര​സീ​ല്‍ ആ​ക്ര​മ​ണ​ത്തി​നു തു​ട​ക്ക​മി​ട്ടു.

വ​ല​തു വിം​ഗി​ല്‍ ഉ​യ​ര്‍ന്നു വ​ന്ന പ​ന്തി​നെ മെ​രു​ക്കി​യെ​ടു​ത്തു വെ​സ്‌ലി ബോ​ക്സി​നു​ള്ളി​ല്‍ കാ​ത്തു​നി​ന്ന ലി​ങ്ക​ണു ന​ല്‍കി​യെ​ങ്കി​ലും പൊ​സി​ഷ​ന്‍ ശ​രി​യ​ല്ലാ​തി​രു​ന്ന കാ​ന​റി​ക​ളു​ടെ ടോ​പ് സ്‌​കോ​റ​റി​ന് അ​വ​സ​രം മു​ത​ലാ​ക്കാ​നാ​യി​ല്ല. ഹോ​ണ്ടു​റാ​സി​നെ മു​ന്നേ​റ്റ​ത്തി​ന് അ​നു​വ​ദി​ക്കാ​തി​രി​ക്കു​ക എ​ന്ന​താ​യി​രു​ന്നു മ​ഞ്ഞ​പ്പ​ട അ​വ​ലം​ബി​ച്ച ത​ന്ത്രം. ഇ​തി​നാ​യി നി​ര​ന്ത​രം ആ​ക്ര​മി​ച്ചു ക​ളി​ക്കാ​ന്‍ ബ്ര​സീ​ല്‍ ശ്ര​ദ്ധി​ച്ചു. ഇ​തി​നു​ള്ള ഫ​ലം 11-ാം മി​നി​റ്റി​ലാ​ണു ല​ഭി​ച്ച​ത്. വ​ല​തു വിം​ഗി​ല്‍ ബോ​ക്സി​നു​ള്ളി​ല്‍ ല​ഭി​ച്ച പ​ന്ത് അ​ല​ന്‍ ബ്രെ​ന്ന​ര്‍ക്കു മ​റി​ച്ചു ന​ല്‍കി. ആ​രും പ്ര​തി​രോ​ധി​ക്കാ​നി​ല്ലാ​തി​രു​ന്ന ബ്രെ​ന്ന​ര്‍ ടൂ​ര്‍ണ​മെ​ന്‍റി​ലെ ര​ണ്ടാം ഗോ​ളും ബ്ര​സീ​ലി​ന്‍റെ ക​ളി​യി​ലെ ഒ​ന്നാം ഗോ​ളും പേ​രി​ലെ​ഴു​തി.

ഒ​രു ഗോ​ളി​ല്‍ തീ​ര്‍ക്കാ​ന്‍ ഉ​ദ്ദേ​ശ്യ​മി​ല്ലെ​ന്നു തീ​രു​മാ​നി​ച്ചു​റ​പ്പി​ച്ച പോ​ലെ​യാ​യി​രു​ന്നു മ​ഞ്ഞ​പ്പ​ട​യു​ടെ പി​ന്നീ​ടു​ള്ള മു​ന്നേ​റ്റ​ങ്ങ​ള്‍. ഹോ​ണ്ടു​റാ​സ് പ്ര​തി​രോ​ധ​ത്തി​ലെ വി​ള്ള​ലു​ക​ള്‍ മു​ത​ലെ​ടു​ത്തു ബ്രെ​ന്ന​റും അ​ല​നു​മെ​ല്ലാം ഇ​ര​ച്ചു ക​യ​റി. 14-ാം മി​നി​റ്റി​ല്‍ ആ​ന്‍റോ​ണി​യോ​യു​ടെ പാ​സ് സ്വീ​ക​രി​ച്ചു പൗ​ളി​ഞ്ഞോ പെ​നാ​ല്‍റ്റി ബോ​ക്സി​നു പു​റ​ത്തു​നി​ന്നു സ​മ​യം ഒ​ട്ടും പാ​ഴാ​ക്കാ​തെ ക​രു​ത്തു​റ്റ ഷോ​ട്ടു പാ​യ​ച്ചെ​ങ്കി​ലും ഹോ​ണ്ടു​റാ​സ് ഗോ​ള്‍കീ​പ്പ​ര്‍ അ​ല​ക്സ് റി​വേ​റ ഒ​രു​വി​ധം ത​ടു​ത്തി​ട്ടു. ഇ​തി​നി​ടെ ഹോ​ണ്ടു​റാ​സ് സൂ​പ്പ​ര്‍ താ​രം കാ​ര്‍ലോ​സ് മോ​ഹി​യ വി​റ്റാ​വോ​യു​ടെ നേ​തൃ​ത്വ​ത്തി​ലു​ള്ള ബ്ര​സീ​ലി​യ​ന്‍ കോ​ട്ട ത​ക​ര്‍ത്തു ക​യ​റി​യെ​ങ്കി​ലും ഓ​ഫ് സൈ​ഡ് കെ​ണി​യി​ല്‍ വീ​ണു.

ക​ഴി​ഞ്ഞ ക​ളി​യി​ല്‍ പു​റ​ത്തി​രു​ന്ന അ​ല​ന്‍ വി​ശ്ര​മം ല​ഭി​ച്ച​തി​ന്‍റെ ഗു​ണ​ഫ​ല​ങ്ങ​ള്‍ ക​ള​ത്തി​ല്‍ പ്ര​ക​ടി​പ്പി​ച്ചു തു​ട​ങ്ങി​യി​രു​ന്നു. ആ​ന്‍റോ​ണി​യോ​യു​ടെ പാ​സി​ല്‍ 21-ാം മി​നി​റ്റി​ല്‍ ബോ​ക്സി​നു പു​റ​ത്തു​നി​ന്നു​ള്ള അ​ല​ന്‍റെ ഇ​ട​ങ്കാ​ല​ന്‍ ഷോ​ട്ടു റി​വേ​റ കോ​ര്‍ണ​ര്‍ വ​ഴ​ങ്ങി ര​ക്ഷ​പ്പെ​ടു​ത്തി. ഹോ​ണ്ടു​റാ​സി​നെ നി​സാ​ര​ന്മാ​രാ​യി ക​ണ്ട​തി​ന്‍റെ ശി​ക്ഷ 32-ാം മി​നി​റ്റി​ല്‍ ബ്ര​സീ​ലി​ന്‍റെ ത​ക​രാ​ത്ത പ്ര​തി​രോ​ധ​ത്തെ തെ​ല്ലൊ​ന്നു അ​മ്പ​രി​പ്പി​ച്ചു. ബോ​ക്സി​നു​ള്ളി​ല്‍ അ​നാ​വ​ശ്യ​മാ​യ പ​ന്തു പാ​സ് ചെ​യ്തു ക​ളി​ച്ച​തി​ന്‍റെ അ​ന​ന്ത​ര ഫ​ല​മാ​യി​രു​ന്നു ഇ​ത്. ബ്ര​സീ​ല്‍ താ​ര​ങ്ങ​ളു​ടെ അ​ല​സ​ത മു​ത​ലെ​ടു​ത്തു പ​ന്തു കൈ​വ​ശ​പ്പെ​ടു​ത്തി ലൂ​യി​സ് പാ​ല്‍മ വി​ഷ​മ​ക​ര​മാ​യ ആം​ഗി​ളി​ല്‍നി​ന്നു ക​ളി​യി​ലെ ഏ​റ്റ​വും മ​നോ​ഹ​ര​മെ​ന്നു വി​ശേ​ഷി​പ്പി​ക്കാ​വു​ന്ന ഷോ​ട്ട് ഉ​തി​ര്‍ത്തെ​ങ്കി​ലും ഗോ​ള്‍ പോ​സ്റ്റ് വി​ല​ങ്ങു ത​ടി​യാ​യി.

ഹോ​ണ്ടു​റാ​സ് അ​തി​വേ​ഗ ആ​ക്ര​മ​ണ​ങ്ങ​ള്‍ക്കു തു​ട​ക്ക​മി​ട്ടെ​ന്നു മ​ന​സി​ലാ​യ​തോ​ടെ​യാ​ണു ബ്ര​സീ​ല്‍ വീ​ണ്ടും ക​ളി​യി​ല്‍ ശ്ര​ദ്ധി​ച്ചു തു​ട​ങ്ങി. ഇ​തോ​ടെ ര​ണ്ടാം ഗോ​ളി​നാ​യു​ള്ള ശ്ര​മ​ങ്ങ​ള്‍ ആ​രം​ഭി​ച്ചു. 44-ാം മി​നി​റ്റി​ല്‍ മ​ഞ്ഞ​പ്പ​ട ല​ക്ഷ്യം കാ​ണു​ക​യും ചെ​യ്തു. പൗ​ളീ​ഞ്ഞോ​യു​ടെ ത്രൂ ​ബോ​ളി​ല്‍ മാ​ര്‍ക്കോ​സ് ആ​ന്‍റോ​ണി​യോ ലോ​ക​ക​പ്പി​ലെ ത​ന്‍റെ ആ​ദ്യ ഗോ​ള്‍ സ്വ​ന്ത​മാ​ക്കി.

ര​ണ്ടാം പ​കു​തി​യി​ല്‍ ത​ന്ത്രം മാ​റ്റി​യാ​ണു ഹോ​ണ്ടു​റാ​സ് ഇ​റ​ങ്ങി​യ​ത്. ലെ​സ്‌ലിക്കു മു​ന്നി​ല്‍ മ​ങ്ങി​യ സൂ​പ്പ​ര്‍ താ​രം മോ​ഹി​യ വ​ല​തു വിം​ഗി​ലേ​ക്കു മാ​റി. 52-ാം മി​നി​റ്റി​ല്‍ വീ​ണ്ടും ലി​ങ്ക​ണ് അ​വ​സ​രം കൈ​വ​ന്നു. വേ​വേ​ഴ്സ​ണു പ​ക​ര​ക്കാ​ര​നാ​യി​റ​ങ്ങി​യ ലു​വാ​ന്‍ കാ​ന്‍ഡി​ഡോ​യു​ടെ ക്രോ​സ് ഗോ​ളി​ലേ​ക്കു തി​രി​ച്ചു​വി​ടാ​ന്‍ പ​ക്ഷേ സാ​ധി​ച്ചി​ല്ല. 52-ാം മി​നി​റ്റി​ല്‍ ബ്രെ​ന്ന​റു​ടെ പാ​സി​ല്‍ വെസ്‌ലിയു​ടെ ഷോ​ട്ടു നേ​രി​യ വ്യ​ത്യാ​സ​ത്തി​ല്‍ പു​റ​ത്തേ​ക്കു പോ​യി.

ര​ണ്ടു മി​നി​റ്റു​ക​ള്‍ക്കു ശേ​ഷം ഇ​തേ കൂ​ട്ടി​ക്കെ​ട്ടി​ല്‍നി​ന്നു മ​ഞ്ഞ​പ്പ​ട​യു​ടെ മൂ​ന്നാം ഗോ​ള്‍ പി​റ​ന്നു. വ​ല​തു വിം​ഗി​ല്‍ വെ​സ്‌ലിയു​ടെ ച​ടു​ല​മാ​യ നീ​ക്ക​ത്തി​നൊ​ടു​വി​ല്‍ വ​ല ച​ലി​പ്പി​ക്കാ​ന്‍ ഭാ​ഗ്യം ല​ഭി​ച്ച​തു ബ്രെ​ന്ന​ര്‍ക്കാ​ണ്. ഹോ​ണ്ടു​റാ​സിന്‍റെ സാ​ന്‍റി​യാ​ഗോ കാ​ബ​റേ​റ​യു​ടെ പാ​സി​ല്‍ മോ​ഹി​യ ഇ​ട​ങ്കാ​ലു കൊ​ണ്ടു ഷോ​ട്ട് പാ​യി​ച്ചെ​ങ്കി​ലും ഇ​ത്ത​വ​ണ ബ്ര​സീ​ല്‍ താ​ര​ങ്ങ​ള്‍ക്കു പ​ക​രം ഗോ​ള്‍ പോ​സ്റ്റാ​ണു വി​ല്ല​നാ​യ​ത്.


ഒന്നാം ഗോൾ, 11-ാം മിനിറ്റ്

മാ​ര്‍ക്കോ​സ് ആ​ന്‍റോ​ണി​യോ​യാ​ണു തു​ട​ക്ക​മി​ട്ട​ത്. വ​ല​തു വിം​ഗി​ല്‍ ആ​ന്‍റോ​ണി​യോ​യി​ല്‍നി​ന്നു പ​ന്തു കി​ട്ടി​യ അ​ല​ന്‍ ഒ​ന്നു വെ​ട്ടി​യൊ​ഴി​ഞ്ഞു ഹോ​ണ്ടു​റാ​സ് പ്ര​തി​രോ​ധ നി​ര താ​ര​ങ്ങ​ള്‍ക്കി​ട​യി​ലൂ​ടെ പ​ന്തു വെ​സ്ലി​ക്കു കൈ​മാ​റി. ഇ​തി​നു ശേ​ഷം ബോ​ക്സി​നു​ള്ളി​ലേ​ക്ക് ഓ​ടി​ക്കേ​റി​യ അ​ല​നു വെ​സ്ലി ഹോ​ണ്ടു​റാ​സ് താ​ര​ങ്ങ​ള്‍ക്കി​ട​യി​ലൂ​ടെ പ​ന്തു മ​റി​ച്ചു ന​ല്‍കി. ഗോ​ള്‍ പോ​സ്റ്റി​നു മു​ന്നി​ല്‍ മാ​ര്‍ക്കു ചെ​യ്യാ​തി​രു​ന്ന ബ്രെ​ന്ന​ര്‍ക്കു അ​ല​ന്‍റെ മ​നോ​ഹ​ര​മാ​യ പാ​സ്. ഒ​ഴി​ഞ്ഞ പോ​സ്റ്റി​നു മു​ന്നി​ല്‍നി​ന്ന ബ്രെ​ന്ന​ര്‍ നി​ഷ്പ്രാ​യം പ​ന്തു വ​ല​യി​ലാ​ക്കി.


രണ്ടാം ഗോൾ, 44-ാം മിനിറ്റ്

ഇ​ട​തു വിം​ഗി​ല്‍ ഇ​രു ടീ​മു​ക​ളു​ടെ താ​ര​ങ്ങ​ളു​ടെ കു​ട്ട​പ്പൊ​രി​ച്ചി​ലി​നി​ട​യി​ല്‍നി​ന്നു ബ്ര​സീ​ല്‍ മെ​ന​ഞ്ഞ നീ​ക്ക​മാ​ണു ഗോ​ളി​ല്‍ ക​ലാ​ശി​ച്ച​ത്. അ​ല​നും പൗ​ളീ​ഞ്ഞോ​യും പ​ര​സ്പ​രം പാ​സ് ചെ​യ്തു പ​ന്തു നി​യ​ന്ത്ര​ണ വി​ധേ​യ​മാ​ക്കി​യ ശേ​ഷം ഓ​ടി​ക്ക​യ​റി​യ മാ​ര്‍ക്കോ​സ് ആ​ന്‍റോ​ണി​യോ​യി​ലേ​ക്കു പൗ​ളീ​ഞ്ഞോ ത്രൂ ​ബോ​ള്‍ ന​ല്‍കി. റി​വേ​റ​യ്ക്കു ത​ട​യാ​നാ​കാ​ത്ത വി​ധം ആ​ന്‍റോ​ണി​യോ​യു​ടെ നി​ലം​പ​റ്റെ​യു​ള്ള ഷോ​ട്ടു ഗോ​ള്‍ പോ​സ്റ്റി​ലേ​ക്കു നീ​ങ്ങി.

മൂന്നാം ഗോൾ, 56-ാം മിനിറ്റ്

ബ്ര​സീ​ലി​ന്‍റെ ആ​ദ്യ ഗോ​ള്‍ നേ​ട്ട​ത്തി​ല്‍ പ​ങ്കു​വ​ഹി​ച്ച വെ​സ്ലി​യു​ടെ ഊ​ഴ​മാ​യി​രു​ന്നു അ​ടു​ത്ത​ത്. വ​ല​തു വിം​ഗി​ല്‍ ഉ​യ​ര്‍ന്നു വ​ന്ന പ​ന്തി​ലെ വ​രു​തി​യി​ല്‍ നി​ര്‍ത്തി ബ്ര​സീ​ലി​യ​ന്‍ സ്‌​റ്റൈ​ലി​ല്‍ പ​ന്തു മ​റി​ച്ചെ​ടു​ത്തു ഷോ​ട്ടു​തി​ര്‍ക്കാ​നു​ള്ള വെ​സ്ലി​യു​ടെ ശ്ര​മം പാ​ളി​യെ​ങ്കി​ലും ഓ​ടി​യെ​ത്തി​യ ബ്രെ​ന്ന​റു​ടെ ഷോ​ട്ടു വ​ല​തു​ള​ച്ചു.

ബി​ബി​ന്‍ ബാ​ബു