ലാഹോർ: പാക് നടിയും നർത്തകിയുമായ ഷമിം(29) അക്രമിയുടെ വെടിയേറ്റു മരിച്ചു. മുൾട്ടാൻസിറ്റിയിലെ ഷാടൗണിലെ വസതിക്കു മുന്നിലാണ് ഷമിമിനു വെടിയേറ്റത്. തന്റെ സഹോദരിയെ ആരോ പുറത്തേക്കു വിളിച്ചുവരുത്തിയശേഷം വെടിവച്ചു വീഴ്ത്തുകയായിരുന്നുവെന്ന് സഹോദരൻ സൈഫുർ റഹ്മാൻ പറഞ്ഞു.
നാടകങ്ങളിൽ അഭിനയിക്കുന്നതിന്റെ പേരിൽ ഷമിമിനു ഭീഷണിയുണ്ടായിരുന്നു. ഷമിമിന്റെ മുൻ ഭർത്താവിനും അക്രമത്തിൽ പങ്കുണ്ടെന്നു സംശയിക്കുന്നു. കഴിഞ്ഞ വർഷം ലാഹോറിൽ പ്രശസ്ത നടി കിസ്മത് ബെയ്ഗിനെ അവരുടെ മുൻ കാമുകൻ വെടിവച്ചുകൊല്ലുകയുണ്ടായി. നദ്രാ, നാഗു, യാസ്മിൻ, നൈനാ, നാഗിന, മാർവി, കരിസ്മ തുടങ്ങി നിരവധി നടിമാർ ലാഹോറിലും മുൾട്ടാനിലും കൊല്ലപ്പെട്ടിട്ടുണ്ട്. മുൻ കാമുകന്മാരോ മറ്റ് അക്രമികളോ ആണു പല കേസുകളിലും പ്രതിപ്പട്ടികയിലുള്ളത്.
നാടകങ്ങളിൽ അഭിനയിക്കുന്നതിന്റെ പേരിൽ ഷമിമിനു ഭീഷണിയുണ്ടായിരുന്നു. ഷമിമിന്റെ മുൻ ഭർത്താവിനും അക്രമത്തിൽ പങ്കുണ്ടെന്നു സംശയിക്കുന്നു. കഴിഞ്ഞ വർഷം ലാഹോറിൽ പ്രശസ്ത നടി കിസ്മത് ബെയ്ഗിനെ അവരുടെ മുൻ കാമുകൻ വെടിവച്ചുകൊല്ലുകയുണ്ടായി. നദ്രാ, നാഗു, യാസ്മിൻ, നൈനാ, നാഗിന, മാർവി, കരിസ്മ തുടങ്ങി നിരവധി നടിമാർ ലാഹോറിലും മുൾട്ടാനിലും കൊല്ലപ്പെട്ടിട്ടുണ്ട്. മുൻ കാമുകന്മാരോ മറ്റ് അക്രമികളോ ആണു പല കേസുകളിലും പ്രതിപ്പട്ടികയിലുള്ളത്.