ന്യൂഡൽഹി: സിആർപിഎഫ് ഡയറക്ടർ ജനറലായി രാജീവ് റായി ഭട്നഗറെ നിയമിച്ചു. ഫെബ്രുവരി 28നു കെ. ദുർഗാ പ്രസാദ് വിരമിച്ചശേഷംസിആർപിഎഫിനു തലവനില്ലായിരുന്നു. ഛത്തീസ്ഗഡിൽ മാവോയിസ്റ്റ് ആക്രമണത്തിൽ 25 സിആർപിഎഫ് ഭടന്മാർ കൊല്ലപ്പെട്ടതിനു തൊട്ടുപിന്നാലെയാണു ഭട്നഗറെ തലവനായി നിയമിച്ചത്. ഇന്തോ-ടിബറ്റ് ബോർഡർ പോലീസ് ഡയറക്ടർ ജനറലായി ആർ. കെ. പച്നന്ദയെ നിയമിച്ചു. ഭട്നഗറും പച്നന്ദയും 1983 ബാച്ച് ഐപിഎസ് ഉദ്യോഗസ്ഥരാണ്.