ന്യൂഡൽഹി: കൊച്ചിയിൽ നിന്നു ഓസ്ട്രേലിയയിലെ പ്രധാന വിമാനത്താവളങ്ങളിലേക്കു നേരിട്ടു വിമാന സർവീസ് തുടങ്ങാൻ കേന്ദ്ര സിവിൽ ഏവിയേഷൻ മന്ത്രാലയത്തിൽ സമ്മർദം ചെലുത്തുമെന്ന് പാർലമെന്റ് പബ്ലിക് അക്കൗണ്ട്സ് കമ്മിറ്റി ചെയർമാൻ പ്രഫ. കെ.വി. തോമസ്. മലയാളികൾ അടക്കമുള്ള ഓസ്ട്രേലിയയിലെ ഇന്ത്യൻ സമൂഹത്തിന്റെ പ്രശ്നങ്ങൾ കേന്ദ്ര, സംസ്ഥാന സർക്കാരുകളുടെ ശ്രദ്ധയിൽ കൊണ്ടുവരുമെന്ന് സിഡ്നിയിലെയും ബ്രിസ്ബെയ്നിലെയും സ്വീകരണ യോഗങ്ങളിൽ അദ്ദേഹം ഉറപ്പു നൽകി.
പൊതുമേഖല, സ്വകാര്യ സംയുക്ത സംരംഭങ്ങൾക്കു (പിപിപി) രൂപം നൽകുന്പോൾ കൃത്യതയും വ്യക്തതയും ഉണ്ടാകണമെന്ന് ബ്രിസ്ബെയിനിൽ നടന്ന ഏഷ്യ പസഫിക് ഓസ്ട്രേലിയൻ രാജ്യങ്ങളിലെ പബ്ളിക് അക്കൗണ്ണ്ട്സ് കമ്മിറ്റി ചെയർമാൻമാരുടെ ദ്വിവർഷ സമ്മേളനത്തിൽ തോമസ് നിർദേശിച്ചു. പിഎസി അംഗം അനുരാഗ് താക്കൂറും പങ്കെടുത്തു.
വിമാനത്താവളങ്ങൾ, ദേശീയ- സംസ്ഥാന പാതകൾ തുടങ്ങി അടിസ്ഥാന സൗകര്യ വികസനത്തിന് പിപിപി സംരംഭങ്ങൾ നല്ലതായിരിക്കുമെന്നും അദ്ദേഹം പറഞ്ഞു.
പിഎസിയുടെ തീരുമാനങ്ങൾ ഫലപ്രദമായി നടപ്പാക്കൽ, പിപിപി സംരഭങ്ങളുടെ പ്രവർത്തനം, പിഎസി പ്രവർത്തനങ്ങളിൽ മാധ്യമങ്ങളുടെ പങ്ക്, കണ്ട്രോളർ ആൻഡ് ഓഡിറ്റർ ജനറൽമാരുടെ പ്രവർത്തനരീതി കൂടുതൽ ഫലപ്രദമാക്കൽ തുടങ്ങിയവയാണു മൂന്നു ദിവസത്തെ സമ്മേളനത്തിൽ ചർച്ച ചെയ്തതെന്ന് തോമസ് അറിയിച്ചു.
പൊതുമേഖല, സ്വകാര്യ സംയുക്ത സംരംഭങ്ങൾക്കു (പിപിപി) രൂപം നൽകുന്പോൾ കൃത്യതയും വ്യക്തതയും ഉണ്ടാകണമെന്ന് ബ്രിസ്ബെയിനിൽ നടന്ന ഏഷ്യ പസഫിക് ഓസ്ട്രേലിയൻ രാജ്യങ്ങളിലെ പബ്ളിക് അക്കൗണ്ണ്ട്സ് കമ്മിറ്റി ചെയർമാൻമാരുടെ ദ്വിവർഷ സമ്മേളനത്തിൽ തോമസ് നിർദേശിച്ചു. പിഎസി അംഗം അനുരാഗ് താക്കൂറും പങ്കെടുത്തു.
വിമാനത്താവളങ്ങൾ, ദേശീയ- സംസ്ഥാന പാതകൾ തുടങ്ങി അടിസ്ഥാന സൗകര്യ വികസനത്തിന് പിപിപി സംരംഭങ്ങൾ നല്ലതായിരിക്കുമെന്നും അദ്ദേഹം പറഞ്ഞു.
പിഎസിയുടെ തീരുമാനങ്ങൾ ഫലപ്രദമായി നടപ്പാക്കൽ, പിപിപി സംരഭങ്ങളുടെ പ്രവർത്തനം, പിഎസി പ്രവർത്തനങ്ങളിൽ മാധ്യമങ്ങളുടെ പങ്ക്, കണ്ട്രോളർ ആൻഡ് ഓഡിറ്റർ ജനറൽമാരുടെ പ്രവർത്തനരീതി കൂടുതൽ ഫലപ്രദമാക്കൽ തുടങ്ങിയവയാണു മൂന്നു ദിവസത്തെ സമ്മേളനത്തിൽ ചർച്ച ചെയ്തതെന്ന് തോമസ് അറിയിച്ചു.