പ്രി​ന്‍​സി​പ്പ​ല്‍ നി​യ​മ​ന​ക്കേ​സ്: അ​ഡ്മി​നി​സ്‌​ട്രേ​റ്റീ​വ് ട്രൈ​ബ്യൂ​ണ​ല്‍ വ്യാ​ഴാ​ഴ്ച പ​രി​ഗ​ണി​ക്കും

തി​രു​വ​ന​ന്ത​പു​രം: വി​വാ​ദ​മാ​യ കോ​ള​ജ് പ്രി​ന്‍​സി​പ്പ​ല്‍ നി​യ​മ​ന​ക്കേ​സ് ഇ​ന്ന് അ​ഡ്മി​നി​സ്‌​ട്രേ​റ്റീ​വ് ട്രൈ​ബ്യൂ​ണ​ല്‍ പ​രി​ഗ​ണി​ക്കും. നി​യ​മ​ന​വു​മാ​യി ബ​ന്ധപ്പെ​ട്ട എ​ല്ലാ രേ​ഖ​ക​ളും ഇ​ന്നു​ത​ന്നെ ഹാ​ജ​രാ​ക്കാ​നാ​ണ് നി​ര്‍​ദേ​ശം. പ്ര​ധാ​ന രേ​ഖ​ക​ള്‍ അ​ഡീ​ഷ​ണ​ല്‍ സെ​ക്ര​ട്ട​റി പ​ദ​വി​യി​ല്‍ കു​റ​യാ​ത്ത ഉ​ദ്യോ​ഗ​സ്ഥ​നോ​ട് ഹാ​ജ​രാ​ക്ക​ണ​മെ​ന്നാ​ണ് നി​ര്‍​ദേ​ശം.

അ​ന്തി​മ​പ​ട്ടി​ക ക​ര​ട് പ​ട്ടി​ക​യാ​ക്കാ​ന്‍ ഉ​ന്ന​ത​വി​ദ്യാ​സ മ​ന്ത്രി നി​ര്‍​ദേ​ശി​ച്ച ഫ​യ​ലും സെ​ല​ക്ഷ​ന്‍ ക​മ്മി​റ്റി അം​ഗീ​ക​രി​ച്ച 43 പേ​രു​ടെ പ​ട്ടി​ക ഡി​പ്പാ​ര്‍​ട്ട്‌​മെ​ന്‍റല്‍ പ്ര​മോ​ഷ​ന്‍ ക​മ്മി​റ്റി അം​ഗീ​ക​രി​ച്ച​തി​ന്‍റെ മി​നു​ട്‌​സും ഹാ​ജ​രാ​ക്കും.

അ​ന​ധി​കൃ​ത ഇ​ട​പെ​ട​ല്‍ ന​ട​ത്തി​യ ഉ​ന്ന​ത വി​ദ്യാ​ഭ്യാ​സ മ​ന്ത്രി രാ​ജി​വെ​ക്ക​ണ​മെ​ന്ന ആ​വ​ശ്യം പ്ര​തി​പ​ക്ഷം ഉ​യ​ര്‍​ത്തു​മ്പോ​ള്‍ ട്രൈ​ബ്യൂ​ണ​ല്‍ നി​ല​പാ​ട് നി​ര്‍​ണാ​യ​ക​മാ​ണ്. പ​രാ​തി തീ​ര്‍​പ്പാ​ക്കാ​നാ​യി​രു​ന്നു ഇ​ട​പ​ടെ​ലെ​ന്നാ​യി​രു​ന്നു ആ​ര്‍. ബി​ന്ദു​വി​ന്‍റെ വി​ശ​ദീ​ക​ര​ണം. പ്രി​ന്‍​സി​പ്പ​ല്‍ പ​ട്ടി​ക​യി​ലു​ള്ള​വ​രാ​ണ് കേ​സി​ലെ പ​രാ​തി​ക്കാ​ര്‍.

സ​ര്‍​ക്കാ​ര്‍ ആ​ര്‍​ട്‌​സ് ആ​ന്‍റ് സ​യ​ന്‍​സ് കോ​ള​ജ് പ്രി​ന്‍​സി​പ്പ​ല്‍ നി​യ​മ​ന പ​ട്ടി​ക​യി​ല്‍, അ​യോ​ഗ്യ​രാ​യ​വ​രെ ഉ​ള്‍​പ്പെ​ടു​ത്താ​ന്‍ വ​ഴി​വ​ച്ച​ത് ഉ​ന്ന​ത വി​ദ്യാ​ഭ്യാ​സ മ​ന്ത്രി​യു​ടെ ഇ​ട​പെ​ട​ലാ​ണെ​ന്ന് ആ​രോ​പ​ണം ഉ​യ​ര്‍​ന്നി​രു​ന്നു. സെ​ല​ക്ഷ​ന്‍ ക​മ്മി​റ്റി ത​യാ​റാ​ക്കി​യ പ​ട്ടി​ക, ക​ര​ട് പ​ട്ടി​ക​യാ​ക്കി മാ​റ്റി​യ​ത് മ​ന്ത്രി​യു​ടെ ഇ​ട​പെ​ട​ലി​നെ തു​ട​ര്‍​ന്നൊ​യി​രു​ന്നു ആ​രോ​പ​ണം.

യു​ജി​സി റ​ഗു​ലേ​ഷ​ന്‍ പ്ര​കാ​രം രൂ​പീ​ക​രി​ച്ച സെ​ല​ക്ഷ​ന്‍ ക​മ്മി​റ്റി ത​യാ​റാ​ക്കി​യ 43 പേ​രു​ടെ പ​ട്ടി​ക​യാ​ണ് ഇ​തോ​ടെ മാ​റ്റി​യ​ത്.

ഡി​പ്പാ​ര്‍​ട്ടു​മെന്‍റ​ല്‍ പ്രൊ​മോ​ഷ​ന്‍ ക​മ്മി​റ്റി അം​ഗീ​ക​രി​ച്ച 43 പേ​രു​ടെ പ​ട്ടി​ക​യി​ല്‍ നി​ന്ന് പ്രി​ന്‍​സി​പ്പ​ല്‍ നി​യ​മ​നം ന​ല്‍​കു​ന്ന​തി​ന് പ​ക​രം, ഈ ​പ​ട്ടി​ക ക​ര​ടാ​യി പ്ര​സി​ദ്ധീ​ക​രി​ക്കാ​നും അ​പ്പീ​ല്‍ ക​മ്മി​റ്റി രൂ​പ​വ​ത്ക​രി​ക്കാ​നും 2022 ന​വം​ബ​ര്‍ 12നാ​ണ് മ​ന്ത്രി ആ​ര്‍. ബി​ന്ദു ഫ​യ​ലി​ല്‍ എ​ഴു​തി​യ​ത്. സെ​ല​ക്ഷ​ന്‍ ക​മ്മി​റ്റി​യു​ടെ തെ​ര​ഞ്ഞെ​ടു​പ്പ് പ്ര​ക്രി​യ​യു​ടെ സ​മ്പൂ​ര്‍​ണ ഫ​യ​ല്‍ ഹാ​ജ​രാ​ക്കാ​നും മ​ന്ത്രി നി​ര്‍​ദേ​ശം ന​ല്‍​കിയതായാണ് വിവരം.

പക്ഷേ യു​ജി​സി റ​ഗു​ലേ​ഷ​ന്‍ പ്ര​കാ​രം സെ​ല​ക്ഷ​ന്‍ ക​മ്മി​റ്റി ത​യാ​റാ​ക്കു​ന്ന അ​ന്തി​മ പ​ട്ടി​ക ക​ര​ട് പ​ട്ടി​ക​യാ​യി പ്ര​സി​ദ്ധീ​ക​രി​ക്കാ​ന്‍ വ്യ​വ​സ്ഥ​യി​ല്ല. എ​ന്നാ​ല്‍ കോ​ള​ജ് വി​ദ്യാ​ഭ്യാ​സ ഡ​യ​റ​ക്ട​ര്‍ ഈ ​വ​ര്‍​ഷം ജ​നു​വ​രി 11ന് ​അ​ന്തി​മ പ​ട്ടി​ക ക​ര​ട് പ​ട്ടി​ക​യാ​യി പ്ര​സി​ദ്ധീ​ക​രി​ച്ചു. തു​ട​ര്‍​ന്ന് സ​ര്‍​ക്കാ​ര്‍ രൂ​പ​വ​ത്ക​രി​ച്ച അ​പ്പീ​ല്‍ ക​മ്മി​റ്റി സെ​ല​ക്ഷ​ന്‍ ക​മ്മി​റ്റി അ​യോ​ഗ്യ​രാ​ക്കി​യ​വ​രെ കൂ​ടി ഉ​ള്‍​പ്പെ​ടു​ത്തി 76 പേ​രു​ടെ പ​ട്ടി​ക ത​യാ​റാ​ക്കി.

43 പേ​രു​ടെ പ​ട്ടി​ക​യി​ല്‍ നി​ന്ന് നി​യ​മ​നം ന​ട​ത്തു​ന്ന​തി​ന് പ​ക​രം 76 പേ​രു​ടെ പ​ട്ടി​ക​യി​ല്‍ നി​ന്ന് നി​യ​മ​നം ന​ട​ത്താ​നു​ള്ള സ​ര്‍​ക്കാ​ര്‍ നീ​ക്കം കേ​ര​ള അ​ഡ്മി​നി​സ്‌​ട്രേ​റ്റീ​വ് ട്രൈ​ബ്യൂ​ണ​ല്‍ ത​ട​ഞ്ഞി​രു​ന്നു. ക​ഴി​ഞ്ഞ 24ന് ​ട്രൈ​ബ്യു​ണ​ല്‍ പു​റ​പ്പെ​ടു​വി​ച്ച ഉ​ത്ത​ര​വി​ലൂ​ടെ 43 പേ​രു​ടെ പ​ട്ടി​ക​യി​ല്‍ നി​ന്ന് മാ​ത്ര​മേ നി​യ​മ​നം ന​ട​ത്താ​വൂ എ​ന്നും വ്യ​ക്ത​മാ​ക്കി.

അ​തേ​സ​മ​യം, പ​രാ​തി​ക​ള്‍ തീ​ര്‍​പ്പാ​ക്കാ​നാ​ണ് കൂ​ടു​ത​ല്‍ പേ​രെ ഉ​ള്‍​പ്പെ​ടു​ത്താ​ന്‍ നി​ര്‍​ദേ​ശി​ച്ച​തെ​ന്നാ​ണ് മ​ന്ത്രി​യു​ടെ വി​ശ​ദീ​ക​ര​ണം.