ന്യൂഡല്‍ഹി: മണിപ്പുര്‍ വിഷയത്തില്‍ പാര്‍ലമെന്‍റിലെ ഇരുസഭകളും ഇന്നും പ്രക്ഷുബ്ദം. പ്രതിപക്ഷം പ്രതിഷേധം തുടര്‍ന്നതോടെ രാജ്യസഭ ഉച്ചയ്ക്ക് 12 വരെയും ലോക്‌സഭ രണ്ട് വരെയും നിര്‍ത്തിവച്ചു.
രാജ്യസഭയില്‍ ഉച്ചയ്ക്ക് രണ്ടിന് വിഷയത്തില്‍ ചര്‍ച്ച നടത്താമെന്ന് കേന്ദ്രമന്ത്രി പിയൂഷ് ഗോയല്‍ അറിയിച്ചു. റൂള്‍ 176 അനുസരിച്ചുള്ള ഹ്രസ്വ ചര്‍ച്ചയാണ് നടത്തുകയെന്നും മന്ത്രി പറഞ്ഞു.
എന്നാല്‍ അടിയന്തര പ്രാധാന്യമുള്ള വിഷയമായതിനാല്‍ റൂള്‍ 267 പ്രകാരം സഭാനടപടികള്‍ നിര്‍ത്തിവച്ച് വിഷയം ചര്‍ച്ച ചെയ്യണമെന്ന് പ്രതിപക്ഷ നേതാവ് മല്ലികാര്‍ജുന്‍ ഖാര്‍ഗെ പറഞ്ഞു. ഇക്കാര്യം അംഗീകരിക്കാന്‍ കഴിയില്ലെന്ന് സ്പീക്കര്‍ അറിയിച്ചതോടെ പ്രതിപക്ഷം ബഹളം തുടരുകയായിരുന്നു. ഇതോടെ സഭ നിര്‍ത്തിവച്ചു.
ലോക്‌സഭയില്‍ പോസ്റ്ററുകളുമായി പ്രതിപക്ഷം നടുത്തളത്തിലിറങ്ങി പ്രതിഷേധിച്ചു. ഇതോടെ ഉച്ചയ്ക്ക് രണ്ട് വരെ സഭാനടപടികള്‍ നിര്‍ത്തിവച്ചു.
രാജ്യസഭയില്‍ ഉച്ചയ്ക്ക് രണ്ടിന് വിഷയത്തില്‍ ചര്‍ച്ച നടത്താമെന്ന് കേന്ദ്രമന്ത്രി പിയൂഷ് ഗോയല്‍ അറിയിച്ചു. റൂള്‍ 176 അനുസരിച്ചുള്ള ഹ്രസ്വ ചര്‍ച്ചയാണ് നടത്തുകയെന്നും മന്ത്രി പറഞ്ഞു.
എന്നാല്‍ അടിയന്തര പ്രാധാന്യമുള്ള വിഷയമായതിനാല്‍ റൂള്‍ 267 പ്രകാരം സഭാനടപടികള്‍ നിര്‍ത്തിവച്ച് വിഷയം ചര്‍ച്ച ചെയ്യണമെന്ന് പ്രതിപക്ഷ നേതാവ് മല്ലികാര്‍ജുന്‍ ഖാര്‍ഗെ പറഞ്ഞു. ഇക്കാര്യം അംഗീകരിക്കാന്‍ കഴിയില്ലെന്ന് സ്പീക്കര്‍ അറിയിച്ചതോടെ പ്രതിപക്ഷം ബഹളം തുടരുകയായിരുന്നു. ഇതോടെ സഭ നിര്‍ത്തിവച്ചു.
ലോക്‌സഭയില്‍ പോസ്റ്ററുകളുമായി പ്രതിപക്ഷം നടുത്തളത്തിലിറങ്ങി പ്രതിഷേധിച്ചു. ഇതോടെ ഉച്ചയ്ക്ക് രണ്ട് വരെ സഭാനടപടികള്‍ നിര്‍ത്തിവച്ചു.
