ശ്രീഹരിക്കോട്ട: ഐഎസ്ആർഒ സിംഗപ്പുരിന്‍റെ ഏഴ് ഉപഗ്രഹങ്ങളുമായി പിഎസ്എൽവി-സി 56 (പോളാർ സാറ്റലൈറ്റ് ലോഞ്ച് വെഹിക്കിൾ) വിജയകരമായി വിക്ഷേപിച്ചു. ഞായറാഴ്ച രാവിലെ 6.30ന് ശ്രീഹരിക്കോട്ടയിലെ ഒന്നാം നമ്പർ ലോഞ്ച് പാഡിൽ നിന്നായിരുന്നു വിക്ഷേപണം. ന്യൂ സ്പേസ് ഇന്ത്യ ലിമിറ്റഡ് വഴിയുള്ള വാണിജ്യ വിക്ഷേപണം പിഎസ്എൽവിയുടെ അമ്പത്തിയെട്ടാം ദൗത്യമായിരുന്നു.
സിംഗപ്പുർ ഡിഫൻസ് സ്പേസ് ആൻഡ് ടെക്നോളജി ഏജൻസിയുടെ ഡിഎസ്-എസ്എആർ ഉപഗ്രഹവും മറ്റ് ചെറിയ ഉപഗ്രഹങ്ങളുമായിരുന്നു ദൗത്യത്തിൽ ഉണ്ടായിരുന്നത്. ഡിഎസ്-എസ്എആർ ഉപഗ്രഹത്തിന് 361.9 കിലോ ഭാരമാണുള്ളത്.
ഇതോടൊപ്പം ആർക്കേഡ്, വെലോക്സ്-എഎം, ഓർബ്-12 സ്ട്രൈഡർ എന്നീ ചെറിയ ഉപഗ്രഹങ്ങളെയും ഗലാസിയ-2, സ്‌കൂബ്-2, നുല്ലോൺ എന്നീ കുഞ്ഞൻ ഉപഗ്രഹങ്ങളെയും റോക്കറ്റ് വഹിക്കും. മൂന്ന് കിലോ മുതൽ 23.58 കിലോ വരെ ഭാരമുള്ളവയാണ് ഈ ഉപഗ്രഹങ്ങൾ.
സിംഗപ്പുർ ഡിഫൻസ് സ്പേസ് ആൻഡ് ടെക്നോളജി ഏജൻസിയുടെ ഡിഎസ്-എസ്എആർ ഉപഗ്രഹവും മറ്റ് ചെറിയ ഉപഗ്രഹങ്ങളുമായിരുന്നു ദൗത്യത്തിൽ ഉണ്ടായിരുന്നത്. ഡിഎസ്-എസ്എആർ ഉപഗ്രഹത്തിന് 361.9 കിലോ ഭാരമാണുള്ളത്.
ഇതോടൊപ്പം ആർക്കേഡ്, വെലോക്സ്-എഎം, ഓർബ്-12 സ്ട്രൈഡർ എന്നീ ചെറിയ ഉപഗ്രഹങ്ങളെയും ഗലാസിയ-2, സ്‌കൂബ്-2, നുല്ലോൺ എന്നീ കുഞ്ഞൻ ഉപഗ്രഹങ്ങളെയും റോക്കറ്റ് വഹിക്കും. മൂന്ന് കിലോ മുതൽ 23.58 കിലോ വരെ ഭാരമുള്ളവയാണ് ഈ ഉപഗ്രഹങ്ങൾ.
