കുറവിലങ്ങാട്: അന്പത്തൊന്പതാമത് കാട്ടാമ്പാക്ക് കുരിശുമല തീര്ഥാടനം ഇന്ന് നടക്കും. ഇന്ന് 11ന് മണ്ണയ്ക്കനാട് ഹോളി ക്രോസ് പള്ളിയില് നിന്ന് തീര്ഥാടനം ആരംഭിക്കും. 10.30ന് പട്ടിത്താനം ഫോറോന വികാരി ഫാ. ജോസഫ് കാനപ്പിള്ളി ആമുഖ സന്ദേശം നല്കും. രണ്ടിന് കുരിശുമലയില് ആഘോഷമായ വിശുദ്ധ കുര്ബാന. പെരുവ സെന്റ് ഫ്രാന്സിസ് ഡി സെയില്സ് പള്ളി വികാരി ഫാ. ജോര്ജ് ലോബോ കാര്മികത്വം വഹിക്കും. വെട്ടിമുകള് സെന്റ് പോള്സ് പള്ളി വികാരി ഫാ. ജോര്ജ് പുത്തന്പറമ്പില് വചനപ്രഘോഷണം നടത്തും. നേര്ച്ചവിതരണവും നടക്കും.