പുതുപ്പാടി മലപുറം സ്വദേശി മുഹമ്മദ്, ഓമശേരി പുത്തൂർ സ്വദേശി മുഹമ്മദ് നാജിം, പൂനൂർ കേളോത്ത് സ്വദേശികളായ സുഹൈൽ, ആദർശ് എന്നിവർക്കാണ് പരിക്കേറ്റത്. ഇവരെ കോഴിക്കോട് മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ഇന്നലെ ഉച്ചയ്ക്ക് 12ഓടെപൂനൂർ-കട്ടിപ്പാറ റോഡിൽ കോളിക്കൽ കന്പിവേലി ജംഗ്ഷനിലായിരുന്നു സംഭവം. കട്ടിപ്പാറ ഭാഗത്തേക്ക് പോവുകയായിരുന്ന സുഹൈലും ആദർശും സഞ്ചരിച്ച ബൈക്കും എതിരെ വന്ന ബൈക്കുമാണ് കൂട്ടിയിടിച്ചത്. നാലുപേരെയും താമരശേരി താലൂക്കാശുപത്രിയിലും തുടർന്ന് മെഡിക്കൽ കോളജ് ആശുപത്രിയിലും എത്തിക്കുകയായിരുന്നു.