തിരുവല്ല: ലോകാരോഗ്യ ദിനാചരണം ഇന്ന് രാവിലെ എട്ടു മുതൽ പുഷ്പഗിരി മെഡിക്കൽ കോളജിൽ നടക്കും.ലോക മാനസികാരോഗ്യ സംഘടനയും ലോക സോഷ്യൽ സൈക്യാട്രി അസോസിയേഷനും ഇന്ത്യൻ മെഡിക്കൽ അസോസിയേഷനും സംയുക്തമായാണ് സംഘടിപ്പിക്കുന്നത്. ഉച്ചകഴിഞ്ഞ് രണ്ടിനു പൊതു സമ്മേളനം ആന്റോ ആന്റണി എംപി ഉദ്ഘാടനം ചെയ്യും. ഐഎംഎ അഖിലേന്ത്യ വൈസ് പ്രസിഡന്റ് ഡോ. റോയി ഏബ്രഹാം കള്ളിവയലിൽ അധ്യക്ഷത വഹിക്കും.പുഷ്പഗിരി ചെയർമാൻ റവ. ഡോ. ഷാജി വാഴയിൽ, പ്രിൻസിപ്പൽ ഡോ.ടി.പി.തങ്കപ്പൻ, അക്കാഡമിക് ഡയറക്ടർ റവ. ഡോ.മാത്യു മഴുവഞ്ചേരിൽ എന്നിവർ പ്രഭാഷണം നടത്തും.