ചെറുപുഴ: കൊട്ടത്തലച്ചി കുരിശുമലയിലേയ്ക്ക് എല്ലാ വര്‍ഷവും നടത്തുന്ന കുരിശുമല കയറ്റം ചൂരപ്പടവ് ഹോളിക്രോസ് ദേവാലയത്തിന്‍റെ നേതൃത്വത്തില്‍ ആരംഭിച്ചു. നാല്‍പതാം വെള്ളിയാഴ്ച ആചരണത്തിന്‍റെ ഭാഗമായി ഏഴിന് രാവിലെ ആറിന് ചൂരപ്പടവ് ഹോളിക്രോസ് ദേവാലയത്തില്‍ നിന്നും ഫാ.ജോസഫ് മഞ്ഞളാംകുന്നേലിന്‍റെ നേതൃത്വത്തില്‍ പ്രദക്ഷിണം,കൊന്ത, ജപമാല എന്നിവയോടെ ആനാക്കുഴിയിലെത്തും.ഏഴിന് ആനക്കുഴിയില്‍ നിന്നും കുരിശിന്‍റെ വഴിയോടെ കുരിശുമലയിലെത്തും. 7.45ന് മലമുകളില്‍ വിശുദ്ധ കുര്‍ബാന. ഏപ്രില്‍ 14ന് വൈകുന്നേരം 3.30ന് ദു:ഖ വെള്ളി ആചരണത്തിന്‍റെ ഭാഗമായി ആനക്കുഴിയില്‍ നിന്നും കൊട്ടത്തലച്ചി മലയിലേയ്ക്ക് പരിഹാര പ്രദക്ഷിണം നടത്തും. 23ന് പുതു ഞായാറാഴ്ച ആചരണം പുലര്‍ച്ചെ 2.40ന് തിരുനാള്‍ കൊടിയേറ്റോടെ ആരംഭിക്കും. തുടര്‍ന്ന് 3, 4.30, 6, 7.30, 9.15 എന്നീ സമയങ്ങളില്‍ ആഘോഷമായ വിശുദ്ധ കുര്‍ബാന നടക്കും.
