ന്യൂഡൽഹി: തമിഴ്നാട്ടിൽ ഫെബ്രുവരി 18നു നടന്ന വിശ്വാസ വോട്ടെടുപ്പ് റദ്ദാക്കണമെന്നു രാഷ്ട്രപതി പ്രണാബ് മുഖർജിയെ കണ്ട് ഡിഎംകെ വർക്കിംഗ് പ്രസിഡന്റ് സ്റ്റാലിൻ അഭ്യർഥിച്ചു. രഹസ്യബാലറ്റ് ഉപയോഗിച്ച് പുതിയ വിശ്വാസ വോട്ടെടുപ്പ് നടത്താൻ ഗവർണർ ,സി. വിദ്യാസാഗർ റാവുവിനോടുനിർദേശിക്കണമെന്നും സ്റ്റാലിൻ അഭ്യർഥിച്ചു. ഇന്നലെ രാഷ്ട്രപതിയെ സന്ദർശിച്ചശേഷം മാധ്യമങ്ങളോടു സംസാരിക്കവേയാണ് സ്റ്റാലിൻ ഇക്കാര്യം അറിയിച്ചത്. സ്റ്റാലിനൊപ്പം ഡിഎംകെയിലെ മുതിർന്ന നേതാവ് ദുരൈ മുരുകനും ഉണ്ടായിരുന്നു.