കോട്ടയം: കേന്ദ്ര സർക്കാരിന്റെ കീഴിലുള്ള ഖാദി ഗ്രാമവ്യവസായ കമ്മീഷൻ കേരള ഖാദി ഗ്രാമവ്യവസായ ബോർഡിന്റെ സഹകരണത്തോടെ ചങ്ങനാശേരി ചാസിന്റെ ആഭിമുഖ്യത്തിൽ കോട്ടയം ശാസ്ത്രി റോഡിൽ വിഷു-ഈസ്റ്റർ ഖാദി മേള നാളെ മുതൽ ആരംഭിക്കും. ഖാദിക്ക് 30 ശതമാനം ഗവ. സ്പെഷൽ റിബേറ്റും മറ്റിനങ്ങൾക്ക് ആകർഷകമായ ഡിസ്കൗണ്ടും ലഭ്യമാണ്. ചാസ് സെക്രട്ടറി ഫാ.ജോസഫ് കളരിക്കലിന്റെ അധ്യക്ഷതയിൽ ഖാദി ഭവൻ അങ്കണത്തിൽ കൂടുന്ന സമ്മേളനത്തിൽ നഗരസഭ ചെയർപേഴ്സണ് ഡോ.പി.ആർ. സോന മേള ഉദ്ഘാടനം ചെയ്യും. നഗരസഭാ കൗണ്സിലർ സാബു പുളിമൂട്ടിൽ ആദ്യവില്പന നിർവഹിക്കും. ചാസ് ജോയിന്റ് സെക്രട്ടറി ഫാ. ജോർജ് മാന്തുരുത്തിൽ, ചാസ് ഖാദി ജനറൽ മാനേജർ ജോണ് സക്കറിയാസ്, അസിസ്റ്റന്റ് മാനേജർ ജോജോ കെ.സി., ഖാദി ഭവൻ മാനേജർ കുര്യാക്കോസ് ആന്റണി എന്നിവർ പ്രസംഗിക്കും.
പുതുമയാർന്നതും വ്യത്യസ്തങ്ങളുമായ ഖാദി ഗ്രാമീണ വിഭവങ്ങൾ ഒരു കുടക്കീഴിൽ സജ്ജമാക്കിയിരിക്കുന്നു. കേരളത്തിനകത്തും പുറത്തുമുള്ള ആയിരത്തിലധികം ഖാദി ഗ്രാമവ്യവസായ യൂണിറ്റുകളിൽ നിർമിക്കുന്ന ഗുണമേ·യേറിയ ഉല്പന്നങ്ങൾ സർക്കാർ നിയന്ത്രിത വിലയ്ക്ക് ഇവിടെ ലഭിക്കും.
പുതുമയാർന്നതും വ്യത്യസ്തങ്ങളുമായ ഖാദി ഗ്രാമീണ വിഭവങ്ങൾ ഒരു കുടക്കീഴിൽ സജ്ജമാക്കിയിരിക്കുന്നു. കേരളത്തിനകത്തും പുറത്തുമുള്ള ആയിരത്തിലധികം ഖാദി ഗ്രാമവ്യവസായ യൂണിറ്റുകളിൽ നിർമിക്കുന്ന ഗുണമേ·യേറിയ ഉല്പന്നങ്ങൾ സർക്കാർ നിയന്ത്രിത വിലയ്ക്ക് ഇവിടെ ലഭിക്കും.