കോടഞ്ചേരി: വലിയകൊല്ലി സെന്റ് അൽഫോൻസ ഇടവകയിൽ നവജീവൻ ധ്യാനം ആരംഭിച്ചു. വികാരി ഫാ.മാത്യു പുള്ളോലിക്കൽ ഉദ്ഘാടനം ചെയ്തു. വ്യാഴാഴ്ച സമാപിക്കും. എല്ലാ ദിവസവും വൈകുന്നേരം 4.30 ന് ധ്യാനം ആരംഭിക്കും. ഫാ.തോമസ് പാറൻകുളങ്ങര, ഫാ.സൈമൺ കിഴക്കേക്കുന്നേൽ, ഫാ.കുര്യാക്കോസ് തയ്യിൽ എന്നിവരാണ് ധ്യാനം നയിക്കുന്നത്. സമാപന ദിവസം വൈകുന്നേരം അഞ്ചിന് നടക്കുന്ന ആഘോഷമായ വിശുദ്ധ കുർബാനയ്ക്ക് താമരശേരി ബിഷപ് മാർ റെമിജിയോസ് ഇഞ്ചനാനിയിൽ മുഖ്യകാർമികത്വം വഹിക്കും. ധ്യാനത്തിനൊരുക്കമായി ക്ളാരസഭ സിസ്റ്റേഴ്സിന്റെ നേതൃത്വത്തിൽ ഹോം മിഷൻ ധ്യാനവും നടന്നു.