കണ്ണൂർ: വിറകുവെട്ട് തൊഴിലാളി കുഴഞ്ഞുവീണു മരിച്ചു. തമിഴ്നാട് സേലം കള്ളിക്കുറിച്ചിയിലെ കാന്തൻ (52) ആണ് മരിച്ചത്. തിങ്കളാഴ്ച രാത്രി നെഞ്ചുവേദന അനുഭവപ്പെട്ടതിനെത്തുടർന്ന് കൂടെയുള്ളവർ ജില്ലാ ആശുപത്രിയിൽ എത്തിച്ചെങ്കിലും വഴിമധ്യേ മരണമടഞ്ഞു. കണ്ണൂർ ആശിർവാദ് ആശുപത്രിക്ക് സമീപത്തെ കടവരാന്തയിലാണ് കാന്തൻ താമസിച്ചിരുന്നത്. ഭാര്യ: വസന്ത. രണ്ടു മക്കളുണ്ട്. കണ്ണൂർ ടൗൺ പോലീസ് ഇൻക്വസ്റ്റ് നടത്തി. മൃതദേഹം തലശേരി ജനറൽ ആശുപത്രിയിലെ പോസ്റ്റ്മോർട്ടത്തിനുശേഷം നാട്ടിലേക്ക് കൊണ്ടുപോകും.
