പയ്യന്നൂര്: ഏഴിമല നാവിക അക്കാഡമിയിലെ ജീവനക്കാരനെ ക്വാർട്ടേഴ്സില് തൂങ്ങിമരിച്ച നിലയില് കണ്ടെത്തി. തമിഴ്നാട് നാഗപട്ടണം തിരുത്തല്ല് സ്വദേശി വി.രാജശേഖരനെ(27)യാണ് തൂങ്ങി മരിച്ച നിലയില് കണ്ടെത്തിയത്. നാവിക അക്കാഡമിയിൽ സ്വീപ്പറായി ജോലിചെയ്യുന്ന രാജശേഖരനെ കുടുംബത്തോടൊപ്പം താമസിക്കുന്ന നേവിയുടെ 702-ാം നമ്പര് ക്വാര്ട്ടേഴ്സിലാണ് തൂങ്ങിമരിച്ച നിലയില് ഇന്നലെ പുലര്ച്ചെ രണ്ടേകാലോടെ കണ്ടെത്തിയത്. ഏഴിമല നേവിയില് ഇയാള് ജോലിയില് പ്രവേശിച്ചിട്ട് രണ്ടുമാസത്തോളമേ ആയിട്ടുള്ളു. ഭാര്യ: ഉമ. ദിഷീദ് ഏകമകനാണ്.