നെയ്യാറ്റിൻകര: സർവീസിൽ നിന്നും വിരമിക്കുന്ന അധ്യാപകർക്ക് കേരള പ്രദേശ് സ്കൂൾ ടീച്ചേഴ്സ് അസോസിയേഷൻ നെയ്യാറ്റിൻകര ഉപജില്ലയുടെ നേതൃത്വത്തിൽ യാത്രയയപ്പ് സമ്മേളനം നടത്തി. എൽ. കൃഷ്ണകുമാറിന്റെ അധ്യക്ഷതയിൽ ചേർന്ന സമ്മേളനം നെയ്യാറ്റിൻകര ബ്ലോക്ക് കോണ്ഗ്രസ് കമ്മിറ്റി പ്രസിഡന്റ് വി.കെ. അവനീന്ദ്രകുമാർ ഉദ്ഘാടനം ചെയ്തു. ജില്ലാ പ്രസിഡന്റ് പ്രദീപ് നാരായണൻ, സെക്രട്ടറി എൻ. രാജ്മോഹൻ, എം.കെ. ഉദയകുമാർ, കെ.എസ് . മോഹനകുമാർ, സി.ആർ. ആത്മകുമാർ, എൽ. സോംരാജ്, എസ്. അംബിലാൽ, അനിൽരാജ്, രാജേഷ്കുമാർ, ഷിബു, ജനിഫർ നിക്സണ്, വിജിൽ പ്രസാദ് എന്നിവർ പ്രസംഗിച്ചു.