എറ്റ (ഉത്തർപ്രദേശ്): ഉത്തർപ്രദേശിലെ എറ്റയിൽ സ്കൂൾബസും ലോറിയും കൂട്ടിയിടിച്ച് 12 വിദ്യാർഥികൾ മരിച്ചു. 10 കുട്ടികൾക്കു പരിക്കേറ്റു. ഇവരിൽ പലരുടെയും നില ഗുരുതരമാണ്. എറ്റയിലെ അസദ്നഗറിൽ ഇന്നലെ രാവിലെയായിരുന്നു അപകടം. ബസിനുള്ളിൽ കുടുങ്ങിപ്പോയ ഏതാനും പേരെ മണിക്കൂറുകൾ നീണ്ട രക്ഷാപ്രവർത്തനത്തിലൂടെയാണു രക്ഷിച്ചത്. കൊടുംതണുപ്പിനെത്തുടർന്ന് എറ്റയിലെ വിദ്യാഭ്യാസ സ്ഥാപനങ്ങൾക്ക് ജില്ലാ ഭരണകൂടം അവധി പ്രഖ്യാപിച്ചിരുന്നു.
ഇതു കണക്കിലെടുക്കാതെ പ്രവർത്തിച്ച ജെ.എസ് വിദ്യാനികേതൻ എന്ന സ്കൂളിലെ കുട്ടികളാണ് അപകടത്തിൽപ്പെട്ടത്. എട്ട് കുട്ടികൾ സംഭവസ്ഥലത്തുവച്ച് മരിച്ചുവെന്നു ജില്ലാ മജിസ്ട്രേറ്റ് ശംഭു നാഥ് അറിയിച്ചു.
ഇതു കണക്കിലെടുക്കാതെ പ്രവർത്തിച്ച ജെ.എസ് വിദ്യാനികേതൻ എന്ന സ്കൂളിലെ കുട്ടികളാണ് അപകടത്തിൽപ്പെട്ടത്. എട്ട് കുട്ടികൾ സംഭവസ്ഥലത്തുവച്ച് മരിച്ചുവെന്നു ജില്ലാ മജിസ്ട്രേറ്റ് ശംഭു നാഥ് അറിയിച്ചു.