വൈക്കം: ഉത്സവത്തിനിടയിൽ മണ്ണുവാരി ഏറിഞ്ഞ് പ്രശ്നമുണ്ടാക്കിയവർക്കെതിരെ പോലീസ് നടപടി സ്വീകരിച്ചതിൽ പ്രകോപിതരായി ഒരു സംഘം പോലീസിനെ ആക്രമിക്കുകയും പോലീസ് ജീപ്പിനു കേടുവരുത്തുകയും ചെയ്തു. വൈക്കം പോലീസ് സ്റ്റേഷനിലെ ഗ്രേഡ് എസ്ഐ ജോസ് ജോസഫ്, സീനിയർ സിവിൽ പോലീസ് ഓഫീസർ വിനോദ്, ബിപിഒമാരായ ബാബു രതീഷ് എന്നിവർക്കാണ് പരിക്കേറ്റത്. ചൊവാഴ്ച രാത്രി തോട്ടാറമിറ്റം ക്ഷേത്രത്തിലെ ഉത്സവത്തിനിടയിലാണ് സംഭവം. പോലീസിനെ ആക്രമിച്ച കേസിൽ പത്തുപേർക്കെതിരെയും ജീപ്പ് തകർത്തതിന് രണ്ടുപേർക്കെതിരെയും കേസെടുത്തിട്ടുണ്ട്.