കുറുപ്പന്തറ: എംഎൽഎ ഫണ്ട് വിനിയോഗിച്ച് കുറുപ്പന്തറയിൽ അനുവദിച്ച വിവിധ വികസന പദ്ധതികളുടെ ഉദ്ഘാടനം ഇന്ന് മോൻസ് ജോസഫ് എംഎൽഎ നിർവഹിക്കും.
കുറുപ്പന്തറ കവലയിൽ റോഡപകടങ്ങൾ കുറയ്ക്കുന്നതിന് പൊതുമരാമത്ത് റോഡ് സുരക്ഷാപദ്ധതിയുടെ ഭാഗമായി കെൽട്രോണിന്റെ നേതൃത്വത്തിൽ നടപ്പാക്കിയ സിഗ്നൽ സിസ്റ്റത്തിന്റെ ഉദ്ഘാടനം ഇന്ന് വൈകൂന്നേരം ആറിന് എംഎൽഎ നിർവഹിക്കും.
മാഞ്ഞൂർ പഞ്ചായത്തും പോലീസ് മോട്ടോർ വെഹിക്കിൾ ഡിപ്പാർട്ടുമെന്റും സംയുക്തപരിശോധന നടത്തി ആവശ്യപ്പെട്ടതു പ്രകാരമാണ് കുറുപ്പന്തറ കവലയിൽ സിഗ്നൽ സിസ്റ്റം ഏർപ്പെടുത്താൻ എംഎൽഎയുടെ നേതൃത്വത്തിൽ നടപടി സ്വീകരിച്ചത്.
കുറുപ്പന്തറ കവലയിൽ സ്ഥാപിച്ചിരുന്ന ഹൈമാസ്റ്റ് ലൈറ്റിന്റെ വാറന്റി പീരിയഡ് കഴിഞ്ഞതിനെത്തുടർന്ന് പുതിയ ലൈറ്റ് സ്ഥാപിക്കാൻ പഞ്ചായത്തിന് ഫണ്ടിന്റെ അപര്യാപ്തത ഉണ്ടായതോടെ എൽഇഡി ബൾബുകൾ സ്ഥാപിക്കാൻ എംഎൽഎ ഫണ്ടിൽ നിന്ന് രണ്ടുലക്ഷം രൂപ മോൻസ് ജോസഫ് അനുവദിച്ചിരുന്നു. ഇതുപയോഗിച്ച് സ്ഥാപിച്ച പുതിയ ഹൈമാസ്റ്റ് ലൈറ്റിന്റെ സ്വിച്ച് ഓണ് കർമവും എംഎൽഎ ഇന്ന് വൈകുന്നേരം നിർവഹിക്കും.
കുറുപ്പന്തറ കടവിൽ ഇരുവേലി തോടിനു കുറുകെ കാലങ്ങളായുള്ള ജനകീയാവശ്യങ്ങൾ കണക്കിലെടുത്ത് പുതിയ പാലം നിർമിക്കുന്നതിനും 15 ലക്ഷം രൂപ അനുവദിച്ചതായി മോൻസ് ജോസഫ് അറിയിച്ചു.
ടെണ്ടർ നടപടി പൂർത്തീകരിച്ച സാഹചര്യത്തിൽ പാലത്തിന്റെ നിർമാണ പ്രവർത്തനങ്ങൾക്ക് ഇന്ന് വൈകുന്നേരം അഞ്ചിന് തുടക്കം കുറിക്കുമെന്നും മാഞ്ഞൂർ പഞ്ചായത്ത് പ്രസിഡന്റ് ജോണ് നീലംപറന്പിൽ, മുൻ പ്രസിഡന്റ് കെ.സി. മാത്യു എന്നിവർ അറിയിച്ചു. ജില്ലാ, ബ്ലോക്ക്, ഗ്രാമ പഞ്ചായത്ത് ജനപ്രതിനിധികൾ വിവിധ ചടങ്ങുകളിൽ പങ്കെടുക്കും.
കുറുപ്പന്തറ കവലയിൽ റോഡപകടങ്ങൾ കുറയ്ക്കുന്നതിന് പൊതുമരാമത്ത് റോഡ് സുരക്ഷാപദ്ധതിയുടെ ഭാഗമായി കെൽട്രോണിന്റെ നേതൃത്വത്തിൽ നടപ്പാക്കിയ സിഗ്നൽ സിസ്റ്റത്തിന്റെ ഉദ്ഘാടനം ഇന്ന് വൈകൂന്നേരം ആറിന് എംഎൽഎ നിർവഹിക്കും.
മാഞ്ഞൂർ പഞ്ചായത്തും പോലീസ് മോട്ടോർ വെഹിക്കിൾ ഡിപ്പാർട്ടുമെന്റും സംയുക്തപരിശോധന നടത്തി ആവശ്യപ്പെട്ടതു പ്രകാരമാണ് കുറുപ്പന്തറ കവലയിൽ സിഗ്നൽ സിസ്റ്റം ഏർപ്പെടുത്താൻ എംഎൽഎയുടെ നേതൃത്വത്തിൽ നടപടി സ്വീകരിച്ചത്.
കുറുപ്പന്തറ കവലയിൽ സ്ഥാപിച്ചിരുന്ന ഹൈമാസ്റ്റ് ലൈറ്റിന്റെ വാറന്റി പീരിയഡ് കഴിഞ്ഞതിനെത്തുടർന്ന് പുതിയ ലൈറ്റ് സ്ഥാപിക്കാൻ പഞ്ചായത്തിന് ഫണ്ടിന്റെ അപര്യാപ്തത ഉണ്ടായതോടെ എൽഇഡി ബൾബുകൾ സ്ഥാപിക്കാൻ എംഎൽഎ ഫണ്ടിൽ നിന്ന് രണ്ടുലക്ഷം രൂപ മോൻസ് ജോസഫ് അനുവദിച്ചിരുന്നു. ഇതുപയോഗിച്ച് സ്ഥാപിച്ച പുതിയ ഹൈമാസ്റ്റ് ലൈറ്റിന്റെ സ്വിച്ച് ഓണ് കർമവും എംഎൽഎ ഇന്ന് വൈകുന്നേരം നിർവഹിക്കും.
കുറുപ്പന്തറ കടവിൽ ഇരുവേലി തോടിനു കുറുകെ കാലങ്ങളായുള്ള ജനകീയാവശ്യങ്ങൾ കണക്കിലെടുത്ത് പുതിയ പാലം നിർമിക്കുന്നതിനും 15 ലക്ഷം രൂപ അനുവദിച്ചതായി മോൻസ് ജോസഫ് അറിയിച്ചു.
ടെണ്ടർ നടപടി പൂർത്തീകരിച്ച സാഹചര്യത്തിൽ പാലത്തിന്റെ നിർമാണ പ്രവർത്തനങ്ങൾക്ക് ഇന്ന് വൈകുന്നേരം അഞ്ചിന് തുടക്കം കുറിക്കുമെന്നും മാഞ്ഞൂർ പഞ്ചായത്ത് പ്രസിഡന്റ് ജോണ് നീലംപറന്പിൽ, മുൻ പ്രസിഡന്റ് കെ.സി. മാത്യു എന്നിവർ അറിയിച്ചു. ജില്ലാ, ബ്ലോക്ക്, ഗ്രാമ പഞ്ചായത്ത് ജനപ്രതിനിധികൾ വിവിധ ചടങ്ങുകളിൽ പങ്കെടുക്കും.