കുറവിലങ്ങാട്: ജനകീയ പ്രതിഷേധത്തിന് വേദിയൊരുക്കുന്ന സർക്കാർ മദ്യവിൽപ്പനശാല പ്രവർത്തിക്കുന്നത് ഒന്നരപതിറ്റാണ്ടിലേറെ കുരുന്നുകൾക്ക് അക്ഷരജ്ഞാനം പകർന്ന വിദ്യാലയം പ്രവർത്തിച്ച മണ്ണിൽ. അറുപതുകളുടെ അവസാനത്തിൽ ഒന്നരപതിറ്റാണ്ടിലേറെ നൂറുകണക്കായ കുരുന്നുകൾക്ക് അറിവിന്‍റെ തിരിനാളം സമ്മാനിച്ച വരിക്കാനി സ്കൂളെന്ന് നാട്ടുകാർ വിളിച്ചിരുന്ന ജനത സ്കൂൾ പ്രവർത്തിച്ചിരുന്നിടത്താണ് മദ്യശാല പ്രവർത്തിപ്പിക്കുന്ന വീട്. വി.കെ. മാധവന്‍റെ നേതൃത്വത്തിലാണ് സ്കൂൾ പ്രവർത്തനം നടത്തിയിരുന്നത്. ഇപ്പോൾ മറ്റൊരാളുടെ ഉടമസ്ഥതയിലാണ് മദ്യശാല പ്രവർത്തിക്കുന്ന സ്ഥലവും വീടും.
