കാഞ്ഞിരപ്പള്ളി: പഞ്ചായത്ത് മിനി ബൈപാസിനെ പ്രധാന റോഡുമായി ബന്ധിപ്പിക്കുന്നതിന് ചിറ്റാറിന് കുറുകെ ടൗൺഹാളിന് സമീപത്ത് പാലം നിർമിക്കുന്നതിന് 50 ലക്ഷം രുപ അനുവദിച്ചതായി ഡോ. എൻ. ജയരാജ് എംഎൽഎ അറിയിച്ചു.
ടൗണിലെ രൂക്ഷമായ ഗതാഗതക്കുരുക്ക് പരിഹരിക്കുന്നതിന് മുൻ പഞ്ചായത്ത് ഭരണസമിതിയുടെ കാലയളവിൽ1.20 കോടി രൂപ ചെലവഴിച്ച് നിർമാണം ആരംഭിച്ച ബൈപാസിന് തുടക്കവും ഒടുക്കവുമില്ലെന്ന് ആക്ഷേപമുയർന്നിരുന്നു.
ടൗണിലെ കംഫർട്ട് സ്റ്റേഷൻ പൊളിച്ചു നീക്കിയാൽ കിഴക്ക് ഭാഗത്ത് നിന്നു വരുന്ന വാഹനങ്ങൾക്ക് ബസ് സ്റ്റാൻഡ് ജംഗ്ഷനിൽ എത്താതെ ടൗൺ ഹാളിന്റെ മുന്നിലൂടെ മണ്ണാറക്കയം റോഡിൽ എത്താനാകുന്ന വിധത്തിലാണ് പുതിയ പാലം നിർമിക്കുന്നത്. പാലം നിർമാണം പൂർത്തിയായാൽ ടൗണിലെ ഗതാഗതക്കുരുക്കിന് ഒരു പരിധി വരെ പരിഹാരമാകും.
പാലം നിർമാണത്തിന് പണം അനുവദിക്കണമെന്നാവശ്യപ്പെട്ട് ബ്ലോക്ക് പഞ്ചായത്ത് മെംബർ പി.എ ഷെമീർ, പഞ്ചായത്തംഗം നു ബിൻ അൻഫൽ എന്നിവർ ഡോ. എൻ. ജയരാജ് എംഎൽഎയ്ക്ക് നിവേദനം നൽകിയിരുന്നു.
ടൗണിലെ രൂക്ഷമായ ഗതാഗതക്കുരുക്ക് പരിഹരിക്കുന്നതിന് മുൻ പഞ്ചായത്ത് ഭരണസമിതിയുടെ കാലയളവിൽ1.20 കോടി രൂപ ചെലവഴിച്ച് നിർമാണം ആരംഭിച്ച ബൈപാസിന് തുടക്കവും ഒടുക്കവുമില്ലെന്ന് ആക്ഷേപമുയർന്നിരുന്നു.
ടൗണിലെ കംഫർട്ട് സ്റ്റേഷൻ പൊളിച്ചു നീക്കിയാൽ കിഴക്ക് ഭാഗത്ത് നിന്നു വരുന്ന വാഹനങ്ങൾക്ക് ബസ് സ്റ്റാൻഡ് ജംഗ്ഷനിൽ എത്താതെ ടൗൺ ഹാളിന്റെ മുന്നിലൂടെ മണ്ണാറക്കയം റോഡിൽ എത്താനാകുന്ന വിധത്തിലാണ് പുതിയ പാലം നിർമിക്കുന്നത്. പാലം നിർമാണം പൂർത്തിയായാൽ ടൗണിലെ ഗതാഗതക്കുരുക്കിന് ഒരു പരിധി വരെ പരിഹാരമാകും.
പാലം നിർമാണത്തിന് പണം അനുവദിക്കണമെന്നാവശ്യപ്പെട്ട് ബ്ലോക്ക് പഞ്ചായത്ത് മെംബർ പി.എ ഷെമീർ, പഞ്ചായത്തംഗം നു ബിൻ അൻഫൽ എന്നിവർ ഡോ. എൻ. ജയരാജ് എംഎൽഎയ്ക്ക് നിവേദനം നൽകിയിരുന്നു.