ഹൗ​സ് ബോ​ട്ട് ടെ​ർ​മി​ന​ൽ നി​ർ​മാ​ണം വി​വാ​ദ​മാ​കു​ന്നു

കു​മ​ര​കം: ഭൂ ​മാ​ഫി​യാ​യെ സ​ഹാ​യി​ക്കാ​ൻ കു​മ​ര​ക​ത്ത് ല​ക്ഷ​ങ്ങ​ൾ ചെ​ല​വ​ഴി​ച്ചു നി​ർ​മി​ച്ച മ​ത്സ്യ​സ​ങ്കേ​തം ത​ക​ർ​ത്ത് ഹൗ​സ് ബോ​ട്ട് ടെ​ർ​മി​ന​ൽ നി​ർ​മി​ക്കു​ന്ന​ത് വി​വാ​ദ​മാ​കു​ന്നു. വേ​ന്പ​നാ​ട്ടു കാ​യ​ലി​ലെ നാ​ലു​പ​ങ്ക് ഭാ​ഗ​ത്ത് മൂ​ന്നു​വ​ർ​ഷം മു​ന്പ് ഫി​ഷ​റീ​സ് മാ​നേ​ജ്മെ​ന്‍റ് സൊ​സൈ​റ്റി (ഫി​ർ​മ) ക്കു​വേ​ണ്ടി സം​സ്ഥാ​ന തീ​ര​ദേ​ശ കോ​ർ​പ​റേ​ഷ​ൻ നി​ർ​മി​ച്ച മ​ത്സ്യ സ​ങ്കേ​ത​ത്തി​ലാ​ണ് ടൂ​റി​സം വ​കു​പ്പ് ഹൗ​സ് ബോ​ട്ട് ടെ​ർ​മി​ന​ൽ നി​ർ​മാ​ണം ന​ട​ത്തു​ന്ന​ത്.
വേ​ന്പ​നാ​ട്ടു കാ​യ​ൽ ഉ​ൾ​പ്പെ​ടെ കു​ട്ട​നാ​ട​ൻ ജ​ലാ​ശ​യ​ങ്ങ​ളി​ൽ മ​ത്സ്യ​സ​ന്പ​ത്തു ക്ര​മാ​തീ​ത​മാ​യി കു​റ​യു​ന്ന​തി​നു പ​രി​ഹാ​ര​മാ​യി സ്വാ​മി​നാ​ഥ​ൻ ക​മ്മീ​ഷ​ൻ നി​ർ​ദേ​ശി​ച്ച ആ​റു മ​ത്സ്യ സ​ങ്കേ​ത​ങ്ങ​ളി​ൽ ഒ​ന്നാ​ണ് നാ​ലു​പ​ങ്കി​ൽ ഉ​ണ്ടാ​യി​രു​ന്ന​ത്. വേ​ന്പ​നാ​ട്ടു​കാ​യ​ലി​ൽ പാ​തി​രാ​മ​ണ​ലി​നു സ​മീ​പ​ത്തും നാ​ലു​പ​ങ്കി​ലു​മാ​ണ് മ​ത്സ്യ​സ​ങ്കേ​തം നി​ർ​മി​ച്ച​ത്.
20 വ​ർ​ഷം മു​ന്പ് ക​വ​ണാ​റ്റി​ൻ​ക​ര കാ​ർ​ഷി​ക ഗ​വേ​ഷ​ണ കേ​ന്ദ്രം ഫി​ഷ​റീ​സ് വ​കു​പ്പ് മേ​ധാ​വി ഡോ. ​കെ.​ജി. പ​ദ്മ​കു​മാ​ർ നി​ർ​മി​ച്ച മ​ത്സ്യ സ​ങ്കേ​ത​ത്തി​ന്‍റെ വി​ജ​യ​മാ​ണ് കൂ​ടു​ത​ൽ മ​ത്സ്യ​സ​ങ്കേ​തങ്ങൾ നി​ർ​മി​ക്കാ​ൻ പ്രേ​ര​ണ​യാ​യ​ത്. ഇ​ന്ത്യ​യി​ലെ ആ​ദ്യ​ത്തെ മ​ത്സ്യ​സ​ങ്കേ​ത​മാ​യി​രു​ന്നു ക​വ​ണാ​റ്റി​ൻ​ക​ര​യി​ൽ. 11 ല​ക്ഷം രൂ​പ ചെ​ല​വി​ലാ​ണ് അ​ന്ന് ആ​ദ്യ​ത്തെ മ​ത്സ്യ​സ​ങ്കേ​തം നി​ർ​മി​ച്ച​ത്.
മൂ​ന്നു​വ​ർ​ഷം മു​ന്പ് സ്ഥാ​പി​ച്ച നാ​ലു​പ​ങ്കി​ലെ മ​ത്സ്യ​സ​ങ്കേ​ത​ത്തി​നു 20 ല​ക്ഷം രൂ​പ​യാ​യി​രു​ന്നു ചെ​ല​വ്. 3.29 കോ​ടി രൂ​പ ചെ​ല​വ​ഴി​ച്ച് നി​ർ​മി​ക്കു​ന്ന ബോ​ട്ട് ടെ​ർ​മി​ന​ലി​ന്‍റെ നി​ർ​മാ​ണം പു​രോ​ഗ​മി​ച്ചു കൊ​ണ്ടി​രി​ക്കു​ക​യാ​ണ്. 40 ഹൗ​സ്ബോ​ട്ടു​ക​ൾ​ക്കു പാ​ർ​ക്ക് ചെ​യ്യു​ന്ന​തി​നും വി​ശ്ര​മ​കേ​ന്ദ്ര​ങ്ങ​ളും റ​സ്റ്റ​റ​ന്‍റും മ​റ്റു സൗ​ക​ര്യ​ങ്ങ​ളും ഇ​വി​ടെ ഒ​രു​ക്കു​ന്നു​ണ്ട്.
മ​ത്സ്യ​സ​ങ്കേ​ത​ത്തി​ൽ ഹൗ​സ് ബോ​ട്ട് ടെ​ർ​മി​ന​ൽ നി​ർ​മി​ക്കു​ന്ന​ത് സ​മീ​പ​ത്തെ വ​ൻ​കി​ട ഭൂ​മാ​ഫി​യാ​യെ സ​ഹാ​യി​ക്കാ​നാ​ണെ​ന്നാ​ണ് നാ​ട്ടു​കാ​രു​ടെ ആ​ക്ഷേ​പം.