അയർക്കുന്നം: അയർക്കുന്നം കേന്ദ്രമാക്കി കണ്‍സ്യൂമർ ഫെഡിന്‍റെ കീഴിൽ വൻതോതിൽ മദ്യം ഒഴുക്കാനുള്ള നീക്കം എന്തു വില കൊടുത്തും എതിർക്കുമെന്ന് കോണ്ഗ്രസ് മണ്ഡലം പ്രസിഡന്‍റ് ജോയി കൊറ്റത്തിലിന്റെ നേതൃത്വത്തിൽ കൂടിയ യോഗം അറിയിച്ചു. മദ്യ വിരുദ്ധ മുന്നണി സംസ്ഥാന ട്രഷറർ എം.സി. സിറിയക്, ജയിംസ് കുന്നപ്പള്ളി, പഞ്ചായത്ത് പ്രസിഡന്‍റ് മോനിമോൾ ജയ്മോൻ, ടി.ടി. ശശീന്ദ്രനാഥ്, ലിസമ്മ ബേബി, ജോയിസ് കൊറ്റത്തിൽ, അജിത് കുന്നപ്പള്ളി തുടങ്ങിയവർ പ്രസംഗിച്ചു.
