വെള്ളറട: വെള്ളറട വില്ലേജ് ഓഫീസിനു മുന്നിൽ ഒരു മാസത്തിലധികമായി ബൈക്ക് ഉപേക്ഷിച്ച നിലയിൽ. റിട്ടയേർഡ് സൈനികന്റെ ലേബൽ ബൈക്കിനു മുന്നിൽ പതിച്ചിട്ടുണ്ട്. ടിഎൻ 75 0055 എന്നതാണ് ബൈക്കിന്റെ നന്പർ.ബൈക്ക് ഉപേക്ഷിച്ച നിലയിൽ കണ്ടതായി നാട്ടുകാർ വെള്ളറട പോലീസിനെ അറിയിച്ചിട്ടും അവർ തിരിഞ്ഞ് നോക്കാൻ പോലും തയാറായില്ല. ബൈക്ക് മോഷ്ടാക്കൾ ഉപേക്ഷിച്ചിട്ട് കടന്നതാണോ, മോഷണം നടത്തിയ ശേഷം ബൈക്കിൽ രക്ഷപ്പെടുന്നതിനു വേണ്ടി സൂക്ഷിച്ചിട്ടുള്ളതാണോ എന്ന സംശയത്തിലാണ് നാട്ടുകാർ.