വൈക്കം: സോഷ്യൽ ജസ്റ്റീസ് വെൽഫെയർ സൊസൈറ്റി വൈക്കം താലൂക്ക് കമ്മിറ്റിയുടെ ആഭിമുഖ്യത്തിൽ വൈക്കം സത്യഗ്രഹത്തിന്‍റെ 91-ാം വാർഷികാചരണം 26-ന് രാവിലെ 10.30ന് വൈക്കത്തപ്പൻ ടൂറിസ്റ്റു ഹാളിൽ നടക്കും. സമ്മേളനത്തിന് മുന്നോടിയായി ദളവാക്കുളത്ത് രാവിലെ പത്തിന് പുഷ്പാർച്ചന നടത്തും. സമ്മേളനം നഗരസഭ ചെയർമാൻ അനിൽ ബിശ്വാസ് ഉദ്ഘാടനം ചെയ്യും. സംസ്ഥാന പ്രസിഡന്‍റ് ആപ്പാഞ്ചിറ പൊന്നപ്പൻ അധ്യക്ഷത വഹിക്കും. സമ്മേളനത്തിൽ വയലാർ കലാസാഹിത്യ അവാർഡ് നേടിയ സുബ്ഹ്മണ്യൻ അന്പാടിയെ ആദരിക്കും. സുകുമാരൻ മൂലേക്കാട്ട്, നഗരസഭ പ്രതിപക്ഷ നേതാവ് വി.വി. സത്യൻ, കെ.പി. റോയി, ചന്ദ്രൻ മൂശാറയിൽ, വൈക്കം ദാമുമാസ്റ്റർ, സാബു മൂലേക്കുന്നം തുടങ്ങിയവർ പ്രസംഗിക്കും.
