കോഴിക്കോട്: സ്പെഷലിസ്റ്റ് ടീച്ചേഴ്സ് ഉദ്യോഗാർഥികൾ 55 ദിവസമായി നടത്തി വരുന്ന സമരത്തിന് ഭാരത് ധർമ്മജനസേന നോർത്ത് നിയോജകമണ്ഡലം കമ്മിറ്റിയുടെ നേതൃത്വത്തിൽ സമരക്കാർക്ക് ഐക്യദാർഡ്യസമരം നടത്തി. ബിഡിജെഎസ് ജില്ലാ പ്രസിഡന്‍റ് ഗിരി പാന്പനാൽ ഐക്യദാർഡ്യസമരം ഉദ്ഘാട‌നം ചെയ്തു. സ്പെഷൽ ടീച്ചേഴ്സ് നിയമനങ്ങളിൽ സർക്കാർ നീതിപാലിക്കുക, എസ്എസ്എ മിഷൻ നടത്തുന്ന മുഴുവൻ നിയമനങ്ങളും എംപ്ലോയ്മെന്‍റ് എക്സ്ചേഞ്ച് വഴിയാക്കുക, 3, 6 മാസ കോഴ്സ് കഴിഞ്ഞവരെ നിയമനങ്ങളിൽ നിന്നും മാറ്റുക, വ്യാജ സർട്ടിഫിക്കറ്റ് പരിശോധന കാര്യക്ഷമമാക്കുക, സ്വജനപക്ഷപാതവും പിൻവാതിൽ നിയമനവും ആരോപിക്കുന്ന നിലവിലെ റാങ്ക്‌ലിസ്റ്റ് റദ്ദ് ചെയ്യുക, നിയമനങ്ങളിൽ സംവരണം ഉറപ്പാക്കുക എന്നീ ആവശ്യങ്ങൾ ഐക്യദാർഡ്യസമരം ആവശ്യപ്പെട്ടു. യോഗത്തിൽ നോർത്ത് മണ്ഡലം പ്രസിഡന്‍റ് സതീഷ് പാറന്നൂർ അധ്യക്ഷത വഹിച്ചു. ജില്ലാ സെക്രട്ടറി ഷാജു ചമ്മിനി ഔപചാരിക ഐക്യദാർഡ്യപ്രഭാഷണം നടത്തി.
