പാലാ: ഐഎൻടിയുസിയുടെ നേതൃത്വത്തിലുള്ള ഒന്പത് യൂണിയനുകളുടെ സംസ്ഥാനതല ജനറൽ കൗൺസിൽ 25 നു പാലായിൽ നടക്കും. വ്യാപാരഭവൻ ഓഡിറ്റോറിയത്തിൽ നടക്കുന്ന സമ്മേളനത്തിൽ മുൻ മുഖ്യമന്ത്രി ഉമ്മൻ ചാണ്ടി ഉദ്ഘാടനം ചെയ്യും. കുഞ്ഞ് ഇല്ലംപള്ളി അധ്യക്ഷത വഹിക്കും. സംസ്ഥാന പ്രസിഡന്റ് ആർ. ചന്ദ്രശേഖരൻ മുഖ്യപ്രഭാഷണം നടത്തും. എ.കെ. മണി എക്സ് എംഎൽഎ, സുലൈമാൻ റാവുത്തർ എക്സ് എംഎൽഎ, ഐഎൻടിയുസി സംസ്ഥാന ജനറൽ സെക്രട്ടറി വി.ജെ. ജോസഫ്, അഡ്വ. ചാക്കോ തോമസ്, എ.കെ. ചന്ദ്രമോഹൻ, എം. രാമസുന്ദരം, ബെന്നി ബെഹനാൻ, സി.എൻ. വിജയൻ, ജോയി സ്കറിയ, ബോബി ഏലിയാസ്, അഡ്വ. സിറിയക് തോമസ്, എം.എ. റഷീദ്, വി. തങ്കപ്പൻ എന്നിവർ പ്രസംഗിക്കും. യോഗത്തിൽ ആദ്യകാല കോൺഗ്രസ് പ്രവർത്തകരെയും ഐഎൻടിയുസി പ്രവർത്തകരെയും ആദരിക്കും. യോഗത്തോടനുബന്ധിച്ച് 25 ന് ഉച്ചകഴിഞ്ഞു രണ്ടിന് പാലാ ഗവൺമെന്റ് ആശുപത്രി ജംഗ്ഷനിൽനിന്ന് പ്രകടനം ആരംഭിക്കുമെന്നു ജനറൽ കൺവീനർ പി.സി. തോമസ് അറിയിച്ചു.