കുറിച്ചി: കുടിവെള്ള വിതരണം കുറിച്ചിയിൽ തുടങ്ങാത്തതിനെതിരേ പഞ്ചായത്ത് ഓഫീസിലേക്കു ബിജെപി പ്രതിഷേധ മാര്ച്ചും പട്ടിണിസമരവും നടത്തി. പ്രതിഷേധ മാര്ച്ച് കുറിച്ചി ഗ്രാമപഞ്ചായത്തംഗവും മണ്ഡലം ജനറല് സെക്രട്ടറിയുമായബി.ആര്. മഞ്ജീഷും പട്ടിണിസമരം സംസ്ഥാന സമിതിയംഗം കെ.ജി. രാജ്മോഹനും ഉദ്ഘാടനം ചെയ്തു. ബിജെപി പഞ്ചായത്ത് പ്രസിഡന്റ് കുഞ്ഞുമോന് ഉതിക്കല് അധ്യക്ഷത വഹിച്ചു. മണ്ഡലം സെക്രട്ടറിമാരായ കെ.കെ. സുനില് കുമാർ, അമ്പിളി വിനോദ്, കര്ഷകമോര്ച്ച മണ്ഡലം പ്രസിഡന്റ് പി.കെ. ഗോപാലകൃഷ്ണന്, ഗ്രാമ പഞ്ചായത്തംഗങ്ങളായ പി.കെ. പങ്കജാക്ഷന്, വത്സലാ മോഹന്, പ്രശാന്ത് രവി, സബിന് കുറിച്ചി, മംഗളാംബിക, കിഷോര്ഗോവിന്ദ്, സുഭാഷ്, വിജയന്, തുടങ്ങിയവർ പ്രസംഗിച്ചു.