ന്യൂഡൽഹി: പങ്കാളിത്ത പെൻഷൻ സംബന്ധിച്ച കേസിൽ സംസ്ഥാനസർക്കാരിനു സുപ്രീംകോടതി നോട്ടീസ്. ഇടതുപക്ഷ സർക്കാരിന്റെ ആദ്യ ടേമിൽ രൂപീകരിച്ച പങ്കാളിത്ത പെൻഷൻ പുനഃപരിശോധനാ സമിതി റിപ്പോർട്ടിന്റെ പകർപ്പു നൽകാൻ ധനവകുപ്പിനോട് നിർദേശിക്കണമെന്ന് ആവശ്യപ്പെട്ടായിരുന്നു ഹർജി. ഇതുപ്രകാരം ധനവകുപ്പിന്റെ ചുമതലയുള്ള അഡീഷണൽ ചീഫ് സെക്രട്ടറിക്കും സംസ്ഥാന വിവരാവകാശ കമ്മീഷണർക്കുമാണ് സുപ്രീംകോടതി നോട്ടീസ് അയച്ചിരിക്കുന്നത്.
ജീവനക്കാരുടെ സംഘടനയായ ജോയിന്റ് കൗണ്സിൽ ജനറൽ സെക്രട്ടറി ജയചന്ദ്രൻ കല്ലിങ്കൽ നൽകിയ ഹർജിയിലാണു ജസ്റ്റിസുമാരായ അഭയ് എസ്. ഓക, രാജേഷ് ബിന്ദാൽ എന്നിവരടങ്ങിയ ബെഞ്ച് നോട്ടീസ് അയച്ചത്. നേരത്തേ പുനഃപരിശോധനാ സമിതിയുടെ റിപ്പോർട്ടിന്റെ പകർപ്പ് വിവരാവകാശ നിയമപ്രകാരം ജോയിന്റ് കൗണ്സിൽ ജനറൽ സെക്രട്ടറി ജയചന്ദ്രൻ കല്ലിങ്കൽ തേടിയെങ്കിലും സംസ്ഥാന സർക്കാർ അതു കൈമാറാൻ തയാറായില്ല.
ഇതിനെതിരേ വിവരാവകാശ കമ്മീഷണർക്കു ജോയിന്റ് കൗണ്സിൽ നൽകിയ പരാതിയിൽ റിപ്പോർട്ടിന്റെ പകർപ്പ് കൈമാറാൻ വിവരാവകാശ കമ്മീഷൻ നിർദേശിച്ചു. എന്നാൽ സംസ്ഥാനസർക്കാർ നൽകിയ അപ്പീലിൽ ഹൈക്കോടതി ആ ഉത്തരവ് റദ്ദാക്കി. ഇതിനെതിരേയാണു ജയചന്ദ്രൻ കല്ലിങ്കൽ സുപ്രീംകോടതിയെ സമീപിച്ചത്.
ജീവനക്കാരുടെ സംഘടനയായ ജോയിന്റ് കൗണ്സിൽ ജനറൽ സെക്രട്ടറി ജയചന്ദ്രൻ കല്ലിങ്കൽ നൽകിയ ഹർജിയിലാണു ജസ്റ്റിസുമാരായ അഭയ് എസ്. ഓക, രാജേഷ് ബിന്ദാൽ എന്നിവരടങ്ങിയ ബെഞ്ച് നോട്ടീസ് അയച്ചത്. നേരത്തേ പുനഃപരിശോധനാ സമിതിയുടെ റിപ്പോർട്ടിന്റെ പകർപ്പ് വിവരാവകാശ നിയമപ്രകാരം ജോയിന്റ് കൗണ്സിൽ ജനറൽ സെക്രട്ടറി ജയചന്ദ്രൻ കല്ലിങ്കൽ തേടിയെങ്കിലും സംസ്ഥാന സർക്കാർ അതു കൈമാറാൻ തയാറായില്ല.
ഇതിനെതിരേ വിവരാവകാശ കമ്മീഷണർക്കു ജോയിന്റ് കൗണ്സിൽ നൽകിയ പരാതിയിൽ റിപ്പോർട്ടിന്റെ പകർപ്പ് കൈമാറാൻ വിവരാവകാശ കമ്മീഷൻ നിർദേശിച്ചു. എന്നാൽ സംസ്ഥാനസർക്കാർ നൽകിയ അപ്പീലിൽ ഹൈക്കോടതി ആ ഉത്തരവ് റദ്ദാക്കി. ഇതിനെതിരേയാണു ജയചന്ദ്രൻ കല്ലിങ്കൽ സുപ്രീംകോടതിയെ സമീപിച്ചത്.