ബംഗളൂരു: തുടർച്ചയായ നാല് തോൽവികൾ നേരിട്ടെത്തിയ കോൽക്കത്ത നൈറ്റ് റൈഡേഴ്സ് റോയൽ ചലഞ്ചേഴ്സ് ബാംഗ്ലൂരിനെ വീഴ്ത്തി വിജയവഴിയിലേക്ക് മടങ്ങിയെത്തി. 21 റൺസിനാണ് കോൽക്കത്ത ആതിഥേയരായ ആർസിബിയെ പരാജയപ്പെടുത്തിയത്.
ജേസൺ റോയ്(56), നിതീഷ് റാണ(48) എന്നിവരുടെ ബാറ്റിംഗ് കരുത്തിൽ 201 റൺസിന്റെ വിജയലക്ഷ്യമാണ് കോൽക്കത്ത പടുത്തുയർത്തിയത്. മുന്നേറ്റനിര ബാറ്റർമാർക്കല്ലാതെ മറ്റാർക്കും തിളങ്ങാനാവാതെ വരുന്ന പതിവ് ആർസിബി ചേസിൽ ആവർത്തിച്ചതോടെ വിജയം അകന്നുനിന്നു.
സ്കോർ:
കോൽക്കത്ത നൈറ്റ് റൈഡേഴ്സ് 200/5(20)
റോയൽ ചലഞ്ചേഴ്സ് ബാംഗ്ലൂർ 179/8(20)
ഓപ്പണിംഗ് ദൗത്യമേറ്റെടുത്ത വിരാട് കോഹ്ലി(54) മികച്ച തുടക്കം നൽകിയെങ്കിലും വിശ്വസ്ത താരങ്ങളായ ഫാഫ് ഡുപ്ലെസി(17), ഗ്ലെൻ മാക്സ്വെൽ(5) എന്നിവർ വേഗം മടങ്ങി. 18 പന്തിൽ മൂന്ന് സിക്സറുകൾ പായിച്ച് 34 റൺസ് നേടിയ മഹിപാൽ ലോംറോർ മാത്രമാണ് മധ്യനിരയിൽ തിളങ്ങിയത്.
ദിനേഷ് കാർത്തിക്(22), ഷഹ്ബാസ് അഹ്മദ്(2) എന്നിവർ പതിവനുസരിച്ച് നിരാശപ്പെടുത്തിയതോടെ കോൽക്കത്തയ്ക്ക് കാര്യങ്ങൾ എളുപ്പമായി. നാലോവറിൽ 27 റൺസ് മാത്രം വിട്ടുനൽകി മൂന്ന് വിക്കറ്റുകൾ പിഴുത വരുൺ ചക്രവർത്തിയാണ് കോൽക്കത്ത ബൗളിംഗ് നിരയെ നയിച്ചത്. സുയാഷ് ശർമ, ആന്ദ്രേ റസൽ എന്നിവർ രണ്ട് വിക്കറ്റ് വീതം നേടി.
നേരത്തെ, 29 പന്തിൽ അഞ്ച് സിക്സും നാല് ഫോറും പായിച്ച റോയ് വെടിക്കെട്ട് തുടക്കമാണ് അതിഥികൾക്ക് നൽകിയത്. 21 പന്തിൽ 48 റൺസെടുത്ത നായകൻ റാണ ടീം സ്കോർ ഉയർത്തി. റിങ്കു സിംഗ് നേടിയ18 റൺസിനൊപ്പം മോശം ഫീൽഡിംഗിലൂടെ ആർസിബി താരങ്ങൾ സംഭാവന ചെയ്ത എക്സ്ട്രാസും കോൽക്കത്തയെ 200 കടത്താൻ സഹായിച്ചു.
ആർസിബിക്കായി വനിന്ദു ഹസരങ്ക, വി. വൈശാഖ് എന്നിവർ രണ്ട് വിക്കറ്റുകൾ വീതം നേടി. ജയത്തോടെ ആറ് പോയിന്റുമായി ലീഗിൽ ഏഴാം സ്ഥാനത്താണ് കോൽക്കത്ത. എട്ട് പോയിന്റുള്ള ആർസിബി അഞ്ചാം സ്ഥാനത്ത് തുടരുന്നു.
ജേസൺ റോയ്(56), നിതീഷ് റാണ(48) എന്നിവരുടെ ബാറ്റിംഗ് കരുത്തിൽ 201 റൺസിന്റെ വിജയലക്ഷ്യമാണ് കോൽക്കത്ത പടുത്തുയർത്തിയത്. മുന്നേറ്റനിര ബാറ്റർമാർക്കല്ലാതെ മറ്റാർക്കും തിളങ്ങാനാവാതെ വരുന്ന പതിവ് ആർസിബി ചേസിൽ ആവർത്തിച്ചതോടെ വിജയം അകന്നുനിന്നു.
സ്കോർ:
കോൽക്കത്ത നൈറ്റ് റൈഡേഴ്സ് 200/5(20)
റോയൽ ചലഞ്ചേഴ്സ് ബാംഗ്ലൂർ 179/8(20)
ഓപ്പണിംഗ് ദൗത്യമേറ്റെടുത്ത വിരാട് കോഹ്ലി(54) മികച്ച തുടക്കം നൽകിയെങ്കിലും വിശ്വസ്ത താരങ്ങളായ ഫാഫ് ഡുപ്ലെസി(17), ഗ്ലെൻ മാക്സ്വെൽ(5) എന്നിവർ വേഗം മടങ്ങി. 18 പന്തിൽ മൂന്ന് സിക്സറുകൾ പായിച്ച് 34 റൺസ് നേടിയ മഹിപാൽ ലോംറോർ മാത്രമാണ് മധ്യനിരയിൽ തിളങ്ങിയത്.
ദിനേഷ് കാർത്തിക്(22), ഷഹ്ബാസ് അഹ്മദ്(2) എന്നിവർ പതിവനുസരിച്ച് നിരാശപ്പെടുത്തിയതോടെ കോൽക്കത്തയ്ക്ക് കാര്യങ്ങൾ എളുപ്പമായി. നാലോവറിൽ 27 റൺസ് മാത്രം വിട്ടുനൽകി മൂന്ന് വിക്കറ്റുകൾ പിഴുത വരുൺ ചക്രവർത്തിയാണ് കോൽക്കത്ത ബൗളിംഗ് നിരയെ നയിച്ചത്. സുയാഷ് ശർമ, ആന്ദ്രേ റസൽ എന്നിവർ രണ്ട് വിക്കറ്റ് വീതം നേടി.
നേരത്തെ, 29 പന്തിൽ അഞ്ച് സിക്സും നാല് ഫോറും പായിച്ച റോയ് വെടിക്കെട്ട് തുടക്കമാണ് അതിഥികൾക്ക് നൽകിയത്. 21 പന്തിൽ 48 റൺസെടുത്ത നായകൻ റാണ ടീം സ്കോർ ഉയർത്തി. റിങ്കു സിംഗ് നേടിയ18 റൺസിനൊപ്പം മോശം ഫീൽഡിംഗിലൂടെ ആർസിബി താരങ്ങൾ സംഭാവന ചെയ്ത എക്സ്ട്രാസും കോൽക്കത്തയെ 200 കടത്താൻ സഹായിച്ചു.
ആർസിബിക്കായി വനിന്ദു ഹസരങ്ക, വി. വൈശാഖ് എന്നിവർ രണ്ട് വിക്കറ്റുകൾ വീതം നേടി. ജയത്തോടെ ആറ് പോയിന്റുമായി ലീഗിൽ ഏഴാം സ്ഥാനത്താണ് കോൽക്കത്ത. എട്ട് പോയിന്റുള്ള ആർസിബി അഞ്ചാം സ്ഥാനത്ത് തുടരുന്നു.