ന്യൂഡല്‍ഹി: ഗുസ്തി ഫെഡറേഷന്‍ അധ്യക്ഷനും ബിജെപി എംപിയുമായ ബ്രിജ് ഭൂഷനെതിരായ ഗുസ്തി താരങ്ങളുടെ ലൈംഗിക ആരോപണം ഗൗരവതരമെന്ന് സുപ്രീംകോടതി. വിഷയത്തില്‍ ഡല്‍ഹി സര്‍ക്കാരിനും പോലീസിനും കോടതി നോട്ടീസയച്ചു.
ബ്രിജ് ഭൂഷനെതിരെ പരാതി നല്‍കി നാല് ദിവസം പിന്നിട്ടിട്ടും പോലീസ് കേസെടുക്കുന്നില്ലെന്ന് ചൂണ്ടിക്കാട്ടി ഏഴ് വനിതാ ഗുസ്തി താരങ്ങളാണ് കോടതിയെ സമീപിച്ചത്. പ്രായപൂര്‍ത്തിയാകാത്ത ഒരു പെണ്‍കുട്ടിയടക്കമുള്ളവരാണ് ഹര്‍ജിക്കാര്‍.
ചീഫ് ജസ്റ്റീസ് ഡി.വൈ.ചന്ദ്രചൂഡ് അധ്യക്ഷനായ ബെഞ്ചാണ് ഹര്‍ജി പരിഗണിച്ചത്. കേസെടുക്കാത്തതിന്റെ കാരണം വ്യക്തമാക്കണമെന്നാവശ്യപ്പെട്ട് പോലീസിനും സര്‍ക്കാരിനും കോടതി നോട്ടീസയച്ചു. തങ്ങളുടെ സ്വകാര്യത ഉറപ്പാക്കണമെന്ന പരാതിക്കാരുടെ ആവശ്യം പരിഗണിച്ച് പരാതി മുദ്രവച്ച കവറില്‍ കോടതിയില്‍ സമര്‍പ്പിക്കാനും കോടതി നിര്‍ദേശം നല്‍കി.
പോലീസ് കേസെടുക്കാത്തതില്‍ പ്രതിഷേധിച്ച് കഴിഞ്ഞ ഞായറാഴ്ച മുതല്‍ ഗുസ്തി താരങ്ങള്‍ ഡല്‍ഹി ജന്തര്‍ മന്തറില്‍ സമരത്തിലാണ്. ഒളിമ്പിക് മെഡല്‍ ജേതാക്കളായ ബജ്‌രംഗ് പൂനിയ, സാക്ഷി മാലിക്, കോമണ്‍വെല്‍ത്ത് മെഡല്‍ ജേതാവ് വിനേഷ് ഫോഗട്ട് എന്നിവരടക്കം സമരപന്തലിലുണ്ട്.
ബ്രിജ് ഭൂഷനെതിരെ പരാതി നല്‍കി നാല് ദിവസം പിന്നിട്ടിട്ടും പോലീസ് കേസെടുക്കുന്നില്ലെന്ന് ചൂണ്ടിക്കാട്ടി ഏഴ് വനിതാ ഗുസ്തി താരങ്ങളാണ് കോടതിയെ സമീപിച്ചത്. പ്രായപൂര്‍ത്തിയാകാത്ത ഒരു പെണ്‍കുട്ടിയടക്കമുള്ളവരാണ് ഹര്‍ജിക്കാര്‍.
ചീഫ് ജസ്റ്റീസ് ഡി.വൈ.ചന്ദ്രചൂഡ് അധ്യക്ഷനായ ബെഞ്ചാണ് ഹര്‍ജി പരിഗണിച്ചത്. കേസെടുക്കാത്തതിന്റെ കാരണം വ്യക്തമാക്കണമെന്നാവശ്യപ്പെട്ട് പോലീസിനും സര്‍ക്കാരിനും കോടതി നോട്ടീസയച്ചു. തങ്ങളുടെ സ്വകാര്യത ഉറപ്പാക്കണമെന്ന പരാതിക്കാരുടെ ആവശ്യം പരിഗണിച്ച് പരാതി മുദ്രവച്ച കവറില്‍ കോടതിയില്‍ സമര്‍പ്പിക്കാനും കോടതി നിര്‍ദേശം നല്‍കി.
പോലീസ് കേസെടുക്കാത്തതില്‍ പ്രതിഷേധിച്ച് കഴിഞ്ഞ ഞായറാഴ്ച മുതല്‍ ഗുസ്തി താരങ്ങള്‍ ഡല്‍ഹി ജന്തര്‍ മന്തറില്‍ സമരത്തിലാണ്. ഒളിമ്പിക് മെഡല്‍ ജേതാക്കളായ ബജ്‌രംഗ് പൂനിയ, സാക്ഷി മാലിക്, കോമണ്‍വെല്‍ത്ത് മെഡല്‍ ജേതാവ് വിനേഷ് ഫോഗട്ട് എന്നിവരടക്കം സമരപന്തലിലുണ്ട്.
