തിരുവനന്തപുരം: എസ്എസ്എൽസി, ഹയർസെക്കൻഡറി വിദ്യാർഥികൾക്കുള്ള ഗ്രേസ് മാർക്ക് പുനസ്ഥാപിക്കും. കോവിഡ് വ്യാപനത്തെ തുടർന്ന് കഴിഞ്ഞ വർഷങ്ങളിൽ നിർത്തലാക്കിയ ഗ്രേസ് മാർക്കാണ് പുനസ്ഥാപിക്കുന്നത്.
പാഠ്യേതര രംഗങ്ങളിൽ മികവു പുലർത്തുന്ന വിദ്യാർഥികൾക്ക് വർഷങ്ങളായി നല്കിവരുന്നതായിരുന്നു ഗ്രേസ് മാർക്ക്. ദേശീയ കായിക മത്സരങ്ങൾ എൻസിസി, സ്കൗട്ട്, എൻഎസ്എസ് തുടങ്ങിയ വിവിധ മേഖലകളിൽ മികവു പുലർത്തുന്നവർക്കാണ് ഗ്രേസ് മാർക്ക് നല്കി വരുന്നത്.
കോവിഡ് മഹാമാരിയെ അതിജീവിച്ച് സ്കൂളുകളുടെ പ്രവർത്തനം സാധാരണപോലെ അക്കാദമിക് വർഷം പൂർത്തിയാക്കിയ സാഹചര്യത്തിലാണ് എസ്എസ്എൽസി, ഹയർ സെക്കൻഡറി വിദ്യാർഥികൾക്ക് ഗ്രേസ് മാർക്ക് പുനസ്ഥാപിക്കുന്നത്.
അധ്യാപക സംഘടനാ പ്രതിനിധികളുടെ യോഗത്തിലാണ് ഇക്കാര്യത്തിൽ തീരുമാനം ഉണ്ടായത്. ഏതൊക്കെ മേഖലകളിലെ മികവിനാണ് ഗ്രേസ് മാർക്ക് അനുവദിക്കുക, ഗ്രേസ് മാർക്കിന്‍റെ ഘടന എന്നിവ സംബന്ധിച്ച വിദ്യാഭ്യാസ വകുപ്പിന്‍റെ ഉത്തരവ് ഉടൻ ഇറങ്ങും.
പാഠ്യേതര രംഗങ്ങളിൽ മികവു പുലർത്തുന്ന വിദ്യാർഥികൾക്ക് വർഷങ്ങളായി നല്കിവരുന്നതായിരുന്നു ഗ്രേസ് മാർക്ക്. ദേശീയ കായിക മത്സരങ്ങൾ എൻസിസി, സ്കൗട്ട്, എൻഎസ്എസ് തുടങ്ങിയ വിവിധ മേഖലകളിൽ മികവു പുലർത്തുന്നവർക്കാണ് ഗ്രേസ് മാർക്ക് നല്കി വരുന്നത്.
കോവിഡ് മഹാമാരിയെ അതിജീവിച്ച് സ്കൂളുകളുടെ പ്രവർത്തനം സാധാരണപോലെ അക്കാദമിക് വർഷം പൂർത്തിയാക്കിയ സാഹചര്യത്തിലാണ് എസ്എസ്എൽസി, ഹയർ സെക്കൻഡറി വിദ്യാർഥികൾക്ക് ഗ്രേസ് മാർക്ക് പുനസ്ഥാപിക്കുന്നത്.
അധ്യാപക സംഘടനാ പ്രതിനിധികളുടെ യോഗത്തിലാണ് ഇക്കാര്യത്തിൽ തീരുമാനം ഉണ്ടായത്. ഏതൊക്കെ മേഖലകളിലെ മികവിനാണ് ഗ്രേസ് മാർക്ക് അനുവദിക്കുക, ഗ്രേസ് മാർക്കിന്‍റെ ഘടന എന്നിവ സംബന്ധിച്ച വിദ്യാഭ്യാസ വകുപ്പിന്‍റെ ഉത്തരവ് ഉടൻ ഇറങ്ങും.
