ന്യൂഡല്‍ഹി: ബിജെപിയിലേക്ക് തിരികെ പോകാന്‍ ആഗ്രഹിക്കുന്നതായി തൃണമൂല്‍ കോണ്‍ഗ്രസ് നേതാവ് മുകുള്‍ റോയി. കേന്ദ്രമന്ത്രി അമിത് ഷായുമായി കൂടിക്കാഴ്ച നടത്തുമെന്നും മുകുള്‍ റോയി പറഞ്ഞു.
ബംഗാളി ചാനലിന് നല്‍കിയ അഭിമുഖത്തിലാണ് വെളിപ്പെടുത്തല്‍. താന്‍ ഒരു ബിജെപി നിയമസഭാംഗമാണെന്ന് മുകുള്‍ റോയി പറഞ്ഞു. ബിജെപിയോടൊപ്പം നില്‍ക്കാനാണ് ആഗ്രഹിക്കുന്നത്. തനിക്ക് ഡല്‍ഹിയില്‍ തങ്ങാനുള്ള സൗകര്യമൊരുക്കിയത് ബിജെപിയാണ്. അമിത് ഷായുമായും ജെ.പി.നദ്ദയുമായും കൂടിക്കാഴ്ച നടത്തുമെന്നും മുകുള്‍ റോയി വ്യക്തമാക്കി.
ഡല്‍ഹിക്ക് പോകാനിരിക്കെ മുകുള്‍ റോയിയെ കാണാനില്ലെന്ന് കാട്ടി മകന്‍ സുഭ്രഗ്ഷു റോയി തിങ്കളാഴ്ച പോലീസില്‍ പരാതി നല്‍കിയിരുന്നു. ഇതിന് പിന്നാലെ അദ്ദേഹം ഡല്‍ഹിയിലെത്തിയ വിവരം പുറത്തുവന്നു. യാത്രയ്ക്ക് രാഷ്രീയ ഉദ്ദേശ്യമില്ല, സ്വകാര്യ ആവശ്യത്തിനായി ഡല്‍ഹിയിലെത്തിയതാണെന്നുമായിരുന്നു പ്രതികരണം.
തൃണമൂല്‍ കോണ്‍ഗ്രസിന്‍റെ സ്ഥാപക നേതാവും മുന്‍ റെയില്‍വേ മന്ത്രിയുമായിരുന്നു മുകുള്‍ റോയി. പാര്‍ട്ടിയിലെ ഭിന്നതകളെതുടര്‍ന്ന് 2017ല്‍ ബിജെപിയിലേക്ക് പോയ അദ്ദേഹം 2021ലെ ബംഗാള്‍ നിയമസഭാ തെരഞ്ഞെടുപ്പില്‍ ബിജെപി സ്ഥാനാര്‍ഥിയായി മത്സരിച്ച് വിജയിച്ചു.
എന്നാല്‍ എംഎല്‍എ സ്ഥാനം രാജിവയ്ക്കാതെ തൃണമൂല്‍ കോണ്‍ഗ്രസില്‍ തിരികെ എത്തുകയായിരുന്നു.
ബംഗാളി ചാനലിന് നല്‍കിയ അഭിമുഖത്തിലാണ് വെളിപ്പെടുത്തല്‍. താന്‍ ഒരു ബിജെപി നിയമസഭാംഗമാണെന്ന് മുകുള്‍ റോയി പറഞ്ഞു. ബിജെപിയോടൊപ്പം നില്‍ക്കാനാണ് ആഗ്രഹിക്കുന്നത്. തനിക്ക് ഡല്‍ഹിയില്‍ തങ്ങാനുള്ള സൗകര്യമൊരുക്കിയത് ബിജെപിയാണ്. അമിത് ഷായുമായും ജെ.പി.നദ്ദയുമായും കൂടിക്കാഴ്ച നടത്തുമെന്നും മുകുള്‍ റോയി വ്യക്തമാക്കി.
ഡല്‍ഹിക്ക് പോകാനിരിക്കെ മുകുള്‍ റോയിയെ കാണാനില്ലെന്ന് കാട്ടി മകന്‍ സുഭ്രഗ്ഷു റോയി തിങ്കളാഴ്ച പോലീസില്‍ പരാതി നല്‍കിയിരുന്നു. ഇതിന് പിന്നാലെ അദ്ദേഹം ഡല്‍ഹിയിലെത്തിയ വിവരം പുറത്തുവന്നു. യാത്രയ്ക്ക് രാഷ്രീയ ഉദ്ദേശ്യമില്ല, സ്വകാര്യ ആവശ്യത്തിനായി ഡല്‍ഹിയിലെത്തിയതാണെന്നുമായിരുന്നു പ്രതികരണം.
തൃണമൂല്‍ കോണ്‍ഗ്രസിന്‍റെ സ്ഥാപക നേതാവും മുന്‍ റെയില്‍വേ മന്ത്രിയുമായിരുന്നു മുകുള്‍ റോയി. പാര്‍ട്ടിയിലെ ഭിന്നതകളെതുടര്‍ന്ന് 2017ല്‍ ബിജെപിയിലേക്ക് പോയ അദ്ദേഹം 2021ലെ ബംഗാള്‍ നിയമസഭാ തെരഞ്ഞെടുപ്പില്‍ ബിജെപി സ്ഥാനാര്‍ഥിയായി മത്സരിച്ച് വിജയിച്ചു.
എന്നാല്‍ എംഎല്‍എ സ്ഥാനം രാജിവയ്ക്കാതെ തൃണമൂല്‍ കോണ്‍ഗ്രസില്‍ തിരികെ എത്തുകയായിരുന്നു.
