ബ്രൂ​ക്ക​ൻ സെ​ഞ്ചു​റി; ഹൈ​ദ​രാ​ബാ​ദ് സ​ൺ​റൈ​സ്

കോ​ൽ​ക്ക​ത്ത: സ​ൺ​റൈ​സേ​ഴ്സ് ഹൈ​ദ​രാ​ബാ​ദി​ന്‍റെ ഹാ​രി ബ്രൂ​ക്കി​ന്‍റെ സെ​ഞ്ചു​റി​ക്ക് കോ​ൽ​ക്ക​ത്ത​ക്കാ​ർ​ക്ക് മ​റു​പ​ടി​യു​ണ്ടാ​യി​ല്ല. ഹൈ​ദ​രാ​ബാ​ദ് ഉ​യ​ർ​ത്തി​യ 229 റ​ൺ​സ് വി​ജ​യ​ല​ക്ഷ്യം പി​ന്തു​ട​ർ​ന്ന കോ​ൽ​ക്ക​ത്ത നൈ​റ്റ് റൈ​ഡേ​ഴ്സ് 23 റ​ൺ​സ് അ​ക​ലെ വീ​ണു. ക്യാ​പ്റ്റ​ൻ നി​തീ​ഷ് റാ​ണ​യും (75) റി​ങ്കു സിം​ഗും (പു​റ​ത്താ​കാ​തെ 58) നാ​രാ​യ​ണ​ൻ ജ​ഗ​ദീ​ശ​നും (36) ശ്ര​മി​ച്ചെ​ങ്കി​ലും കോ​ൽ​ക്ക​ത്ത​യു​ടെ ഉ​ദ​യ​സൂ​ര്യ​നെ താ​ഴ്ത്താ​നാ​യി​ല്ല.

ഹാ​രി ബ്രൂ​ക്കി​ന്‍റെ സെ​ഞ്ചു​റി​യാ​യി​രു​ന്നു ഹൈ​ദ​രാ​ബാ​ദ് ഇ​ന്നിം​ഗ്സി​ലെ ഹൈ​ലൈ​റ്റ്. 55 പ​ന്തി​ൽ മൂ​ന്ന് സി​ക്സും 12 ഫോ​റും അ​ട​ക്കം 100 റ​ൺ​സു​മാ​യി ഹാ​രി ബ്രൂ​ക് പു​റ​ത്താ​കാ​തെ​നി​ന്നു. തു​ട​ക്കം മു​ത​ൽ ആ​ക്ര​മി​ച്ചു​ക​ളി​ച്ച ഹാ​രി ബ്രൂ​ക്ക് നേ​രി​ട്ട 32-ാം പ​ന്തി​ൽ അ​ർ​ധ​സെ​ഞ്ചു​റി തി​ക​ച്ചു. മാ​യ​ങ്ക് അ​ഗ​ർ​വാ​ൾ (9), രാ​ഹു​ൽ ത്രി​പാ​ഠി (9) എ​ന്നി​വ​ർ വേ​ഗ​ത്തി​ൽ മ​ട​ങ്ങി​യെ​ങ്കി​ലും മൂ​ന്നാം വി​ക്ക​റ്റി​ൽ ക്യാ​പ്റ്റ​ൻ എ​യ്ഡ​ൻ മാ​ർ​ക്ര​വു​മാ​യി (26 പ​ന്തി​ൽ 50) ചേ​ർ​ന്ന് ഹാ​രി ബ്രൂ​ക്ക് 72 റ​ൺ​സ്കൂ​ട്ടു​കെ​ട്ടു​ണ്ടാ​ക്കി.

നാ​ലാം വി​ക്ക​റ്റി​ൽ ബ്രൂ​ക്കും അ​ഭി​ഷേ​ക് ശ​ർ​മ​യും (32) ചേ​ർ​ന്നും 72 റ​ൺ​സ് കൂ​ട്ടു​കെ​ട്ട് സ്ഥാ​പി​ച്ചു. അ​വ​സാ​നം ഹെ​ന്‍റി​ച്ച് ക്ലാ​സ​ൻ ആ​റ് പ​ന്തി​ൽ 16 റ​ൺ​സ് അ​ടി​ച്ചു​കൂ​ട്ടി​യ​തോ​ടെ ഹൈ​ദ​രാ​ബാ​ദി​ന്‍റെ സ്കോ​ർ 228ൽ. ​നേ​രി​ട്ട 25-ാം പ​ന്തി​ലാ​യി​രു​ന്നു മാ​ക്രം അ​ർ​ധ​സെ​ഞ്ചു​റി തി​ക​ച്ച​ത്.