ബംഗളൂരു: കര്‍ണാടകയില്‍ ജെഡി-എസിന്‍റെ രണ്ടാംഘട്ട സ്ഥാനാര്‍ഥിപ്പട്ടികയിലും ദേവഗൗഡയുടെ മകന്‍റെ ഭാര്യ ഭവാനി രേവണ്ണയ്ക്ക് ഇടമില്ല. ഭവാനി മത്സരിക്കുമെന്ന് പ്രഖ്യാപിച്ചിരുന്ന ഹാസന്‍ സീറ്റില്‍ മുന്‍ എംഎല്‍എ എച്ച്.എസ്. പ്രകാശിന്‍റെ മകന്‍ എച്ച്.പി. സ്വരൂപിനെ പാര്‍ട്ടി സ്ഥാനാര്‍ഥിയായി പ്രഖ്യാപിച്ചു.
ദേവഗൗഡയുടെ മൂത്ത മകന്‍ രേവണ്ണയുടെ ഭാര്യയായ ഭവാനിക്ക് സീറ്റ് നല്‍കുന്നതിനെ ഇളയ മകനും മുന്‍ മുഖ്യമന്ത്രിയുമായ എച്ച്.ഡി. കുമാരസ്വാമി തുറന്നെതിര്‍ത്തിരുന്നു. രേവണ്ണയും മകന്‍ സൂരജും നിലവില്‍ നിയമസഭാംഗങ്ങളും മറ്റൊരു മകന്‍ പ്രജ്വല്‍ ലോക്‌സഭാംഗവുമാണ്.
അതേസമയം കുടുംബത്തിനുള്ളിലെ ഒത്തുതീര്‍പ്പിന്‍റെ ഭാഗമായി ചാമരാജ് നഗര്‍ സീറ്റിലേക്ക് ഭവാനിയെ പരിഗണിച്ചേക്കുമെന്നും സൂചനയുണ്ട്.
ദേവഗൗഡയുടെ മൂത്ത മകന്‍ രേവണ്ണയുടെ ഭാര്യയായ ഭവാനിക്ക് സീറ്റ് നല്‍കുന്നതിനെ ഇളയ മകനും മുന്‍ മുഖ്യമന്ത്രിയുമായ എച്ച്.ഡി. കുമാരസ്വാമി തുറന്നെതിര്‍ത്തിരുന്നു. രേവണ്ണയും മകന്‍ സൂരജും നിലവില്‍ നിയമസഭാംഗങ്ങളും മറ്റൊരു മകന്‍ പ്രജ്വല്‍ ലോക്‌സഭാംഗവുമാണ്.
അതേസമയം കുടുംബത്തിനുള്ളിലെ ഒത്തുതീര്‍പ്പിന്‍റെ ഭാഗമായി ചാമരാജ് നഗര്‍ സീറ്റിലേക്ക് ഭവാനിയെ പരിഗണിച്ചേക്കുമെന്നും സൂചനയുണ്ട്.
