വാഷിംഗ്ടൺ ഡിസി: റഷ്യയുടെ യുക്രെയ്ൻ അധിനിവേശവുമായി ബന്ധപ്പെട്ടുള്ള അമേരിക്കൻ യുദ്ധതന്ത്രങ്ങളടക്കം നിരവധി പ്രതിരോധ രഹസ്യങ്ങൾ ചോർത്തിയ ഓഫീസറെ എഫ്ബിഐ അറസ്റ്റ് ചെയ്തു. മസാച്ചുസെറ്റ്സ് എയർ നാഷണൽ ഗാർഡിലെ ഇന്‍റലിജന്‍സ് വിഭാഗം ഉദ്യോഗസ്ഥനായ ജാക്ക് ഡഗ്ലസ് ടെയ്ക്സേറ(21) ആണ് അറസ്റ്റിലായത്.
നോർത്ത് ഡൈറ്റൻ മേഖലയിൽ നിന്ന് ഇന്ന് പുലർച്ചെയാണ്(ഇന്ത്യൻ സമയം) ടെയ്ക്സേറയെ കസ്റ്റഡിയിലെടുത്തത്. ടെയ്ക്സേറ രേഖകൾ ചോർത്തിയത് മനഃപൂർവമാണെന്നും ക്രിമിനൽ കുറ്റമടക്കം ഇയാൾക്കെതിരെ ചുമത്തുമെന്നും അധികൃതർ അറിയിച്ചു. ഇയാളെ ഉടൻ കോടതിയിൽ ഹാജരാക്കും.
ഏതാനും ദിവസങ്ങൾക്ക് മുമ്പാണ് ഗെയിമിംഗ് പ്ലാറ്റ്ഫോമായ ഡിസ്കോഡിൽ നൂറോളം യുഎസ് പ്രതിരോധ രേഖകൾ പ്രത്യക്ഷപ്പെട്ടത്. ഐക്യരാഷ്ട്ര സഭാ തലവൻ അന്‍റോണിയോ ഗുട്ടേറസ് റഷ്യൻ പക്ഷത്താണെന്ന യുഎസ് അനുമാനവും റഷ്യക്കായി ഈജിപ്ത് 40,000 റോക്കറ്റുകൾ നിർമിക്കുന്നുവെന്നും ഈ രേഖകൾ വെളിപ്പെടുത്തിയിരുന്നു.
ചൈന നടത്തിയ സൂപ്പർസോണിക് മിസൈൽ പരീക്ഷണത്തെപ്പറ്റിയുള്ള രഹസ്യവിവരങ്ങളും 5ജി പദ്ധതികളിൽ നിന്ന് "വാവേ'കമ്പനിയെ ഒഴിവാക്കണമോയെന്ന ചർച്ചയുടെ രേഖകളും പുറത്തുവന്നിരുന്നു.
നോർത്ത് ഡൈറ്റൻ മേഖലയിൽ നിന്ന് ഇന്ന് പുലർച്ചെയാണ്(ഇന്ത്യൻ സമയം) ടെയ്ക്സേറയെ കസ്റ്റഡിയിലെടുത്തത്. ടെയ്ക്സേറ രേഖകൾ ചോർത്തിയത് മനഃപൂർവമാണെന്നും ക്രിമിനൽ കുറ്റമടക്കം ഇയാൾക്കെതിരെ ചുമത്തുമെന്നും അധികൃതർ അറിയിച്ചു. ഇയാളെ ഉടൻ കോടതിയിൽ ഹാജരാക്കും.
ഏതാനും ദിവസങ്ങൾക്ക് മുമ്പാണ് ഗെയിമിംഗ് പ്ലാറ്റ്ഫോമായ ഡിസ്കോഡിൽ നൂറോളം യുഎസ് പ്രതിരോധ രേഖകൾ പ്രത്യക്ഷപ്പെട്ടത്. ഐക്യരാഷ്ട്ര സഭാ തലവൻ അന്‍റോണിയോ ഗുട്ടേറസ് റഷ്യൻ പക്ഷത്താണെന്ന യുഎസ് അനുമാനവും റഷ്യക്കായി ഈജിപ്ത് 40,000 റോക്കറ്റുകൾ നിർമിക്കുന്നുവെന്നും ഈ രേഖകൾ വെളിപ്പെടുത്തിയിരുന്നു.
ചൈന നടത്തിയ സൂപ്പർസോണിക് മിസൈൽ പരീക്ഷണത്തെപ്പറ്റിയുള്ള രഹസ്യവിവരങ്ങളും 5ജി പദ്ധതികളിൽ നിന്ന് "വാവേ'കമ്പനിയെ ഒഴിവാക്കണമോയെന്ന ചർച്ചയുടെ രേഖകളും പുറത്തുവന്നിരുന്നു.
